Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightയെദിയൂരപ്പയെ...

യെദിയൂരപ്പയെ മാറ്റില്ല; വിമർശകർക്കെതിരെ നടപടി -അരുൺ സിങ്​

text_fields
bookmark_border
Karnataka BJP united, state govt doing good job under
cancel

ബംഗളൂരു: കർണാടക മുഖ്യമന്ത്രി ബി.എസ്​. യെദിയൂരപ്പയെ മാറ്റില്ലെന്ന്​ ആവർത്തിച്ച്​ ബി.ജെ.പി ജനറൽ സെക്രട്ടറി അരുൺസിങ്​. വെള്ളിയാഴ്​ച മല്ലേശ്വരത്തെ ബി.​െജ.പി ഒാഫിസിൽ നടന്ന കോർ കമ്മിറ്റി യോഗത്തിന്​ ശേഷം മാധ്യമപ്രവർത്തകരോട്​ സംസാരിക്കുകയായിരുന്നു അദ്ദേഹം. യെദിയൂരപ്പയെ ചൊല്ലി കർണാടക ബി.ജെ.പിയിൽ കലഹം തുടങ്ങിയതോടെ അനുനയത്തിനായാണ്​ കർണാടക സംസ്​ഥാനത്തി​െൻറ ചുമതലയുള്ള അരുൺ സിങ്​ എത്തിയത്​. മൂന്നു ദിവസത്തെ സന്ദർശനത്തിനിടെ പാർട്ടി എം.എൽ.എമാരും മന്ത്രിമാരുമായും അദ്ദേഹം ചർച്ച നടത്തി.


യെദിയൂരപ്പയെ മാറ്റില്ലെന്നും 2023 നിയമസഭ തെര​െഞ്ഞടുപ്പുവരെ അദ്ദേഹം തുടരുമെന്നും സന്ദർശനത്തിന്​ മു​െമ്പ അരുൺ സിങ്​ വ്യക്തമാക്കിയിരുന്നു. അസംതൃപ്​ത എം.എൽ.എമാരുമായുള്ള കൂടിക്കാഴ്​ചക്ക്​ ശേഷവും അദ്ദേഹം അതുതന്നെയാണ്​ ആവർത്തിച്ചത്​. ഇതോടെ, വിമതനീക്കം നടത്തിയവർക്കെതിരെ അച്ചടക്ക നടപടി സ്വീകരിക്കുമെന്നാണ്​ വിവരം. 'പാർട്ടിയെ ആര്​ വിമർശിച്ചാലും നടപടി സ്വീകരിക്കും. ബി.ജെ.പി വലിയ പാർട്ടിയാണ്​. വിമർശനം പ്രവർത്തകരെയാണ്​ വേദനിപ്പിക്കുന്നതെന്നും അവർ നടപടി നേരിടേണ്ടി വരുമെന്നും അരുൺസിങ്​ മുന്നറിയിപ്പ്​ നൽകി. ഒന്നിച്ചുനിന്ന്​ പാർട്ടിയെ മുന്നോട്ടുനയിക്കണം. ഒന്നോ രണ്ടോ പേരാണ്​ പാർട്ടിക്കെതിരെ പ്രവർത്തിക്കുന്നത്​. സമയമാവു​േമ്പാൾ അവർക്കെതിരെ നടപടിയുണ്ടാവും. കർണാടകയിലെയും കേന്ദ്രത്തിലെയും ബി.ജെ.പി സർക്കാറുകളുടെ നല്ല പ്രവൃത്തികളെ കുറിച്ചാണ്​ സംസാരിക്കേണ്ടതെന്നും അദ്ദേഹം പറഞ്ഞു.

ഒന്നോ രണ്ടോ പേരാണ്​ മാധ്യമങ്ങൾക്ക്​ മുന്നിൽ സർക്കാറിനെ കുറിച്ച്​ ആശയക്കുഴപ്പം തീർത്തതെന്ന്​ ബി.എസ്​. യെദിയൂരപ്പ പ്രതികരിച്ചു. 60 പേർ അരുൺ സിങ്ങിനെ കണ്ടിട്ടുണ്ട്​. അതിൽ ഒന്നോ രണ്ടോ പേരാണ്​ സർക്കാറി​െൻറ തുടക്കംമുതൽ തനിക്കെതിരെ നിലകൊണ്ടത്​. അരുൺസിങ്​ അവർക്ക്​ കാണാൻ അവസരം നൽകിയിട്ടില്ല. ഭരണത്തിൽ ഒരുവിധ ആശയക്കുഴപ്പവുമില്ല. എല്ലാവരും ഒന്നിച്ച്​ വികസനത്തിനായാണ്​ പ്രവർത്തിക്കുന്നതെന്നും യെദിയൂരപ്പ പറഞ്ഞു. ബി.ജെ.പി എം.എൽ.സി എ.എച്ച്​. വിശ്വനാഥി​െൻറ വിമർശനത്തിന്​ താൻ പ്രതികരിക്കുന്നില്ലെന്നും അദ്ദേഹത്തിനെതിരായ നടപടി കേന്ദ്ര കമ്മിറ്റി തീരുമാനിക്കുമെന്നും യെദിയൂരപ്പ വ്യക്തമാക്കി.

യെദിയൂരപ്പ അഴിമതിക്കാരനാണെന്നും അഴിമതിയുടെ പങ്ക്​ കേന്ദ്ര നേതാക്കൾക്ക്​ ലഭിക്കുന്നു​ണ്ടെന്നും വിശ്വനാഥ്​ വ്യാഴാഴ്​ച ആരോപിച്ചിരുന്നു. അടുത്തിടെ പാർട്ടിയിൽ ചേർന്ന ചിലർക്ക്​ പാർട്ടിയുടെ ആദർശങ്ങൾ അറിയില്ലെന്നും അതുകൊണ്ടാണ്​ ഇത്തരം ​പ്രസ്​താവനകൾ നടത്തുന്നതെന്നുമായിരുന്നു അരുൺ സിങ്​ ഇതിനോട്​ പ്രതികരിച്ചത്​. എന്നാൽ, യെദിയൂരപ്പക്കും അദ്ദേഹത്തി​െൻറ മകൻ ബി.വൈ. വിജയേന്ദ്രക്കുമെതിരായ വിമർശനം തുടർന്ന വിശ്വനാഥ്, വിജയേന്ദ്രയുടെ അത്യാർത്തി യെദിയൂരപ്പയെ വീണ്ടും ജയിലിലാക്കുമെന്നും മുന്നറിയിപ്പ്​ നൽകി.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:KarnatakaYediyurappaBJP
Next Story