ഒൗദ്യോഗിക വാട്​സ്​ ആപ്പ്​ ഗ്രൂപ്പിൽ ബി.ജെ.പി എം.എൽ.സി അശ്ലീല ചിത്രങ്ങൾ പങ്കുവെച്ചു

ബംഗളൂരു: ഒൗദ്യോഗിക വാട്​സ്​ ആപ്പ്​ ഗ്രൂപ്പിൽ ബി.ജെ.പിയുടെ കർണാടക ലെജിസ്​ലേറ്റീവ്​ കൗൺസിൽ ​െമമ്പർ (എം.എൽ.സി) അശ്ലീല ചിത്രങ്ങൾ പോസ്​റ്റ്​ ചെയ്​തു.  സർക്കാർ ഉദ്യോഗസ്​ഥർക്കും മാധ്യമപ്രവർത്തകർക്കും വിവരങ്ങൾ കൈമാറുന്നതിനായി രൂപീകരിച്ച ബെലഗാവി മീഡിയ ഫോഴ്​സ്​  എന്ന വാട്​സ്​ ആപ്പ്​ ഗ്രൂപ്പിലാണ്​ എം.എൽ.സി മഹാന്തേശ്​ കവതാഗിമത് 50ഒാളം അശ്ലീല ചിത്രങ്ങൾ  പോസ്​റ്റ്​ ചെയ്​തത്​. 

ചിത്രങ്ങൾ പോസ്സ്​ ചെയ്​ത മഹാന്തേശിനെ ഗ്രൂപ്പിൽ നിന്ന്​ ഒഴിവാക്കണമെന്ന്​ പലരും അഡ്​മിനോട്​ ആവശ്യ​െപ്പട്ടു. സംഭവത്തിൽ എം.എൽ.സി മാപ്പപേക്ഷിച്ചു. മനഃപൂർവ്വം ചെയ്​തതല്ലെന്നും ഫോൺ സ്വിച്ച്​ ഒാഫാക്കാൻ ശ്രമിക്കുന്നതിനിടെ ഹാങ്ങായി​ സന്ദേശങ്ങൾ തെറ്റായി അയക്കപ്പെടുകയായിരുന്നെന്നും മഹാന്തേശ്​ അറിയിച്ചു. മാധ്യമപ്രവർത്തകർ ഉൾപ്പെടുന്ന ഒരു ഗ്രൂപ്പിലേക്ക്​ താൻ അശ്ലീല ചിത്രങ്ങൾ അയക്കുന്നതെന്തിനെന്നും അദ്ദേഹം ചോദിച്ചു. 

മഹാന്തേശനെ കോ​ൺഗ്രസ്​ രൂക്ഷമായി വിമർശിച്ചു. ഇതാദ്യമായല്ല ബി.​ജെ.പി സാമാജികൻ അശ്ലീല ചിത്ര വിവാദത്തിൽ പെടുന്നത്​.  നേ​രത്തെ നിയമസഭയിൽ അശ്ലീല ചിത്രം കണ്ടതിന്​ ഒരു ബി.ജെ.പി എം.എൽ.എ പിടിക്കപ്പെട്ടിരുന്നെന്നും കോ​ൺഗ്രസ്​ വാക്​താവ്​ ബ്രിജേഷ്​ കല്ലപ്പ ഒാർമിപ്പിച്ചു.