ലോക്ക്​ഡൗൺ ലംഘിച്ച്​ കർണാടകയിൽ ബി.ജെ.പി എം.എൽ.എയുടെ പിറന്നാൾ ആഘോഷം

ബംഗളൂരു: കോവിഡ്​ വ്യാപനത്തെ തുടർന്ന്​ രാജ്യത്ത്​ പ്രഖ്യാപിച്ച ലോക്ക്​ഡൗൺ ലംഘിച്ച്​ കർണാടകയിൽ ബി.ജെ.പി എം.എ ൽ.എയുടെ പിറന്നാൾ ആഘോഷം. തുമകുരു ജില്ലയിലെ തുറുവേകര എം.എൽ.എ എം.ജയറാമാണ്​ ലോക്ക്​ഡൗൺ ലംഘിച്ച്​ വസതിയിൽ പിറന്നാ ൾ ആഘോഷിച്ചത്​.

വെള്ളിയാഴ്​ച ഗുബ്ബി ടൗണിൽ നടന്ന ആഘോഷത്തിൽ കുട്ടികളും സ്​ത്രീകളും ഉൾപ്പെടെ നിരവധി പേർ പ​ ങ്കെടുത്തു. എം.എൽ.എ കേക്ക്​ മുറിച്ച്​ വേദിയിലെ കുഞ്ഞുങ്ങൾക്ക്​ നൽകുന്ന ചിത്രങ്ങളും പുറത്തുവന്നു. മാസ്​കുപോലും ധരിക്കാതെ വേദിയിൽ ആളുകൾ കൂട്ടംകൂടി നിൽക്കുന്ന ദൃശ്യങ്ങളും പുറത്തുവന്നിട്ടുണ്ട്​. കേക്ക്​ മുറിക്കു​േമ്പാൾ ജയറാം ഗ്ലൗസ്​ ഇട്ടിട്ടുണ്ടെങ്കിലും ആളുകളിൽ നിന്ന്​ സാമൂഹിക അകലം പാലിച്ചിട്ടില്ല. പിറന്നാളി​​​​െൻറ ഭാഗമായി ഗുബ്ബി ടൗണിലുള്ളവർക്ക്​ ബിരിയാണി വിളമ്പാനും എം.എൽ.എ മറന്നില്ല.

വൈറസ്​ വ്യാപനം നടക്കുന്ന ഘട്ടതതിൽ ജനങ്ങൾ ലോക്ക്​ഡൗൺ മാനദണ്ഡങ്ങൾ കർശനമായി പാലിക്കണമെന്ന്​ കേന്ദ്രആരോഗ്യമന്ത്രാലയം കഴിഞ്ഞ ദിവസം നിർദേശിച്ചിരുന്നു. സാമൂഹിക അകലം പാലിക്കേണ്ട അവശ്യഘട്ടത്തിൽ എം.എൽ.എ ജയറാമി​​​​െൻറ പിറന്നാൾ ആഘോഷം വിവാദമായിരിക്കുകയാണ്​. പരിപാടികളും കൂടിച്ചേരലുകളും പാടില്ലെന്ന്​ ഉത്തരവിറക്കിയ ശേഷവും മാർച്ച്​ 15ന്​ കർണാടകയിലെ ബി.ജെ.പി നേതാവി​​െൻറ മകളുടെ കല്ല്യാണത്തിന്​ മുഖ്യമന്ത്രി ബി.എസ്​ യെദിയൂരപ്പ ഉൾപ്പെടെയുള്ളവർ പ​ങ്കെടുത്തിരുന്നു.

കർണാടകയിൽ 200ലധികം പേർക്കാണ്​ കോവിഡ്​ സ്ഥിരീകരിച്ചിരിക്കുന്നത്​. കഴിഞ്ഞ ദിവസം 11 വയസിനു താ​​​ഴെ പ്രായമുള്ള രണ്ട്​ കുട്ടികൾക്കും രോഗം ബാധിച്ചിരുന്നു.