'വർഗീയ രാഷ്ട്രീയത്തിനെതിരെ ജനവിധി ഉയരണം'; ബംഗളൂരുവിൽ വോട്ട് രേഖപ്പെടുത്തി നടൻ പ്രകാശ് രാജ്

ബംഗളൂരു: കർണാടക നിയമസഭ തെരഞ്ഞെടുപ്പിൽ വോട്ട് രേഖപ്പെടുത്തി നടൻ പ്രകാശ് രാജ്. ബംഗളൂരു ശാന്തിനഗറിലെ സെന്‍റ് ജോസഫ്സ് സ്കൂളിലാണ് നടൻ വോട്ട് ചെയ്തത്. അതിരാവിലെ തന്നെ വോട്ട് ചെയ്യാനായി എത്തിയിരുന്നു. വർഗീയ രാഷ്ട്രീയത്തിനെതിരെ ജനവിധി ഉയരണമെന്ന് പ്രകാശ് രാജ് പറഞ്ഞു.

'കർണാടകയുടെ ഭാവി നിർണയിക്കാനുള്ള സമയമാണിത്. ഞാൻ വർഗീയ രാഷ്ട്രീയത്തിനെതിരാണ്. 40 ശതമാനവും അഴിമതിക്കാരായ ആളുകൾക്കെതിരെയാണ് എന്‍റെ വോട്ട് ചെയ്തത്. നിങ്ങളും മനസാക്ഷിക്കനുസരിച്ച് വോട്ട് ചെയ്യുക. സമാധാനത്തിന്‍റെ പൂന്തോട്ടമായി കർണാടകയെ സംരക്ഷിക്കാൻ വോട്ട് ചെയ്യുക' -പ്രകാശ് രാജ് പറഞ്ഞു.

224 നി​യ​മ​സ​ഭ സീ​റ്റു​ക​ളി​ലേ​ക്ക് ഒ​റ്റ​ഘ​ട്ട​മാ​യി ന​ട​ക്കു​ന്ന തെ​ര​ഞ്ഞെ​ടു​പ്പി​ൽ രാ​വി​ലെ ഏ​ഴു മു​ത​ലാണ് വോട്ടിങ് ആരംഭിച്ചത്. വൈ​കീ​ട്ട് ആ​റു​വ​രെ​ വോട്ട് ചെയ്യാം. ശ​നി​യാ​ഴ്ച രാ​വി​ലെ എ​ട്ടു​മു​ത​ൽ വോ​ട്ടെ​ണ്ണി​ത്തു​ട​ങ്ങും. ​