കോൺഗ്രസിൽ കനലടങ്ങില്ല; പദവിയല്ല, രാജ്യമാണ്​ പ്രധാനമെന്ന്​ കപിൽ സിബൽ

ന്യൂ​ഡ​ൽ​ഹി: ഏ​തെ​ങ്കി​ലു​മൊ​രു പ​ദ​വി​യ​ല്ല, രാ​ജ്യ​മാ​ണ്​ ഏ​റ്റ​വും പ്ര​ധാ​ന​മെ​ന്ന്​ കോ​ൺ​ഗ്ര​സ്​ നേ​താ​വ്​ ക​പി​ൽ സി​ബ​ൽ. നേ​തൃ​മാ​റ്റ​വും ശൈ​ലീ​മാ​റ്റ​വും അ​ട​ക്കം കോ​ൺ​ഗ്ര​സി​ൽ ഉ​ട​ച്ചു​വാ​ർ​ക്ക​ൽ വേ​ണ​മെ​ന്ന്​ ആ​വ​ശ്യ​പ്പെ​ട്ട 23 പേ​​രു​ടെ നി​ല​പാ​ട്​ ത​ള്ളി​യ പ്ര​വ​ർ​ത്ത​ക സ​മി​തി യോ​ഗ​ത്തി​ന്​ പി​ന്നാ​ലെ​യാ​ണ്​ അ​വ​രി​ൽ ഒ​രാ​ളാ​യ ക​പി​ൽ സി​ബ​ലി​െൻറ പ​രാ​മ​ർ​ശം.

ബി.​ജെ.​പി​യു​മാ​യി ഒ​ത്തു​ക​ളി​ച്ചാ​ണ്​ വി​മ​ത നേ​താ​ക്ക​ൾ നേ​തൃ​ത്വ​ത്തി​നെ​തി​രെ നീ​ങ്ങി​യ​തെ​ന്ന്​ രാ​ഹു​ൽ ഗാ​ന്ധി പ്ര​വ​ർ​ത്ത​ക സ​മി​തി​യി​ൽ കു​റ്റ​പ്പെ​ടു​ത്തി​യ​താ​യി റി​പ്പോ​ർ​ട്ടു​ക​ൾ ഉ​ണ്ടാ​യി​രു​ന്നു. എ​ന്നാ​ൽ, ഇ​തി​നെ​തി​രെ ക​പി​ൽ സി​ബ​ൽ പ്ര​തി​ക​രി​ച്ച​തോ​ടെ കോ​ൺ​ഗ്ര​സ്​ നി​ഷേ​ധ പ്ര​സ്​​താ​വ​ന ന​ട​ത്തു​ക​യും ക​പി​ൽ സി​ബ​ൽ ട്വീ​റ്റ്​ പി​ൻ​വ​ലി​ക്കു​ക​യും ചെ​യ്​​തു.

സോ​ണി​യ ഗാ​ന്ധി ആ​ശു​പ​​ത്രി​യി​ൽ അ​ഡ്​​മി​റ്റാ​യ സ​മ​യ​ത്തു​ത​ന്നെ​യാ​ണ്​ ഇ​ത്ത​ര​മൊ​രു ക​ത്ത്​ നേ​താ​ക്ക​ൾ അ​യ​ച്ച​തെ​ന്ന കു​റ്റ​പ്പെ​ടു​ത്ത​ലും രാ​ഹു​ൽ പ്ര​വ​ർ​ത്ത​ക സ​മി​തി​യി​ൽ ന​ട​ത്തി​യി​രു​ന്നു. ഇ​തേ​ക്കു​റി​ച്ച ഗു​ലാം​ന​ബി ആ​സാ​ദി​െൻറ പ്ര​തി​ക​ര​ണ​വും വ​ന്നി​ട്ടു​ണ്ട്.

ക​ത്ത്​ അ​യ​ക്കു​ന്ന​തി​നു​മു​മ്പ്​​ ര​ണ്ടു​വ​ട്ടം സോ​ണി​യ ഗാ​ന്ധി​യു​ടെ പ്രൈ​വ​റ്റ്​ സെ​ക്ര​ട്ട​റി​യെ വി​ളി​ച്ച്​ ആ​രോ​ഗ്യ​വി​വ​രം അ​ന്വേ​ഷി​ച്ചി​രു​ന്നു​വെ​ന്നാ​ണ്​ ഗു​ലാം ന​ബി പ​റ​ഞ്ഞ​ത്. പ​തി​വ്​ ചെ​ക്ക​പ്പി​നാ​ണ്​ സോ​ണി​യ ആ​ശു​പ​​ത്രി​യി​ൽ പോ​യ​തെ​ന്ന മ​റു​പ​ടി​യാ​ണ്​ ത​നി​ക്ക്​ കി​ട്ടി​യ​ത്. സോ​ണി​യ തി​രി​ച്ചു വീ​ട്ടി​ൽ എ​ത്തു​ന്ന​തു​വ​രെ കാ​ത്തി​രു​ന്ന ശേ​ഷ​മാ​ണ്​ ക​ത്ത്​ അ​യ​ച്ച​തെ​ന്നും ഗു​ലാം​ന​ബി പ​റ​ഞ്ഞു.

ഏ​താ​നും ദി​വ​സ​ത്തി​നു​ശേ​ഷം കോ​ൺ​ഗ്ര​സ്​ അ​ധ്യ​ക്ഷ​യെ വി​ളി​ച്ചി​രു​ന്നു. ആ​രോ​ഗ്യം മോ​ശ​മാ​യ​തി​നാ​ൽ ക​ത്തി​നു മ​റു​പ​ടി ന​ൽ​കാ​ൻ ക​ഴി​ഞ്ഞി​ല്ലെ​ന്ന്​ സോ​ണി​യ പ​റ​ഞ്ഞു. സോ​ണി​യ​യു​ടെ ആ​രോ​ഗ്യ​മാ​ണ്​ പ്ര​ധാ​ന​മെ​ന്നും, മ​റ്റെ​ന്തും പി​ന്നീ​ട​ത്തേ​ക്ക്​ ​മാ​റ്റാ​മെ​ന്നു​മാ​ണ്​ താ​ൻ അ​തി​ന്​ മ​റു​പ​ടി പ​റ​ഞ്ഞ​തെ​ന്നും ഗു​ലാം ന​ബി വി​ശ​ദീ​ക​രി​ച്ചു.

നേതാക്കളുടെ കത്ത്​ പ്രവർത്തക സമിതി തള്ളിയതിന്​ ശേഷം കത്തിൽ ഒപ്പിട്ടവർ ഗുലാം നബിയുടെ വീട്ടിൽ യോഗം ചേർന്നിരുന്നു. ക​പി​ൽ സി​ബ​ൽ, ആ​ന​ന്ദ്​ ശ​ർ​മ, ശ​ശി ത​രൂ​ർ, മ​നീ​ഷ്​ തി​വാ​രി തു​ട​ങ്ങി ഒ​മ്പ​തു പേ​രാണ്​ അ​വി​ടെ ഒത്തുചേർന്നത്​.
കാ​ത്തി​രു​ന്നു കാ​ണു​ക എ​ന്ന സ​മീ​പ​നം സ്വീ​ക​രി​ക്കാ​നാ​ണ്​ ഗു​ലാം​ന​ബി​യു​ടെ വ​സ​തി​യി​ൽ ഒ​ത്തു​കൂ​ടി​യ​വ​ർ തീ​രു​മാ​നി​ച്ച​ത്.