Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജനങ്ങൾ ഷഹീൻബാഗും...

ജനങ്ങൾ ഷഹീൻബാഗും മുഖ്യമന്ത്രി വസതിയും ഒഴിപ്പിക്കും -കപിൽ മിശ്ര

text_fields
bookmark_border
kapil-misra
cancel

ന്യൂഡൽഹി: തെരഞ്ഞെടുപ്പ്​ പ്രചാരണത്തിൽ വീണ്ടും ആം ആദ്​മി പാർട്ടിക്കെതിരെ ആഞ്ഞടിച്ചും വിദ്വേഷ പ്രസ്​താവ ന നടത്തിയും ബി.ജെ.പി സ്ഥാനാർഥി കപിൽ മിശ്ര. ഡൽഹിയിൽ ഷഹീൻബാഗ്​ നിർമിച്ചത്​ എ.എ.പി സർക്കാറാണെന്നും ജനങ്ങൾ അത്​ ഒഴിപ ്പിക്കുമെന്നും​ കപിൽ മിശ്ര ട്വിറ്ററിലൂടെ പ്രതികരിച്ചു.

അഞ്ചു വർഷത്തിനിടെ ആം ആദ്​മി സർക്കാർ ആശുപത്രികളും കോളജുകളും സ്​കൂളുകളും റോഡും മേൽപ്പാലങ്ങളും നിർമിച്ചു. എന്നാൽ ഒരു ഷഹീൻബാഗ്​ നിർമിക്കേണ്ടതി​​​െൻറ ആവശ്യമില്ലായിരുന്നു. ഇനി ഡൽഹിയിലെ ജനങ്ങൾ മുഖ്യമന്ത്രിയുടെ വസതിയും ഷഹീൻബാഗും ഒരുമിച്ച്​ ഒഴിപ്പിക്കും -എന്നായിരുന്നു കപിൽ മിശ്രയുടെ ട്വീറ്റ്​.

തുടർച്ചയായി വിദ്വേഷപരമായ പ്രസ്​താവനകൾ നടത്തിയ കപിൽ മിശ്രയെ തെരഞ്ഞെടുപ്പ്​ പ്രചാരണം നടത്തുന്നതിന്​ നിന്നും വിലക്കിയിരുന്നു. തെരഞ്ഞെടുപ്പ്​ കമീഷൻ 48 മണിക്കൂർ പ്രചാരണ വിലക്കാണ്​ ഏർപ്പെടുത്തിയത്​.

പൗരത്വനിയമ ഭേദഗതിക്കെതിരെയുള്ള പ്രതിഷേധങ്ങളെക്കുറിച്ച് കപിൽ മിശ്ര നടത്തിയ ‘മിനി പാകിസ്താന്‍’, ‘ഇന്ത്യ - പാകിസ്​താന്‍ യുദ്ധം’ എന്നീ പരാമർശങ്ങൾ വിവാദമായിരുന്നു. ‘പാകിസ്​താനിലേക്കുള്ള പ്രവേശനകവാടം ഷഹീന്‍ബാഗിലൂടെയാണ്. ന്യൂഡല്‍ഹിയില്‍ മിനിപാകിസ്താന്‍ രൂപപ്പെട്ടുകൊണ്ടിരിക്കുകയാണ്. ഷഹീന്‍ബാഗ്, ചാന്ദ്ബാഗ്, ഇൻറര്‍ലോഖ് എന്നിവിടങ്ങളില്‍ നിയമം പാലിക്കപ്പെടുന്നില്ല. ഇവിടെ പാകിസ്താന്‍ പ്രക്ഷോഭകര്‍ റോഡുകള്‍ കൈവശപ്പെടുത്തിയിരിക്കുകയാണ്’ -എന്നായിരുന്നു മിശ്ര ട്വിറ്ററില്‍ കുറിച്ചത്​.

മറ്റൊരു ട്വീറ്റില്‍ ഫെബ്രുവരി 8ന് ന്യൂഡല്‍ഹിയില്‍ നടക്കാനിരിക്കുന്ന തിരഞ്ഞെടുപ്പ് ഇന്ത്യ - പാകിസ്​താന്‍ യുദ്ധമാണെന്നും കപില്‍ മിശ്ര പറഞ്ഞിരുന്നു.

കപില്‍ മിശ്രയുടെ പരാമര്‍ശങ്ങള്‍ തെരഞ്ഞെടുപ്പ് പെരുമാറ്റച്ചട്ടങ്ങള്‍ ലംഘിക്കുന്നതാണെന്ന് ചൂണ്ടിക്കാട്ടി​ തെരഞ്ഞെടുപ്പ് കമീഷന്‍ വിശദീകരണം ആവശ്യപ്പെട്ട്​ നോട്ടീസ് നല്‍കി. തുടർന്ന്​ പ്രചാരണ വിലക്കും ഏർപ്പെടുത്തുകയായിരുന്നു.

Show Full Article
TAGS:delhi election Kapil Mishra Shaheen Bagh CM residence india news 
News Summary - Kapil Mishra says people of Delhi will vacate both Shaheen Bagh and CM residence -India news
Next Story