കൻസാസ്​ സംഭവം: അനുശോചനമറിയിച്ച്​ സുഷമ സ്വരാജ്​

ന്യൂഡൽഹി: യു.എസിലെ കൻസാസി​ൽ തെലങ്കാന സ്വദേശിയായ വിദ്യാർഥി ശരത് കൊപ്പു​(26) കൊല്ലപ്പെട്ട സംഭവത്തിൽ കേന്ദ്ര വിദേശകാര്യ മന്ത്രി സുഷമ സ്വരാജ്​ അനുശോചനം രേഖപ്പെടുത്തി. ശരത്തി​​െൻറ കുടുംബത്തിന്​ എല്ലാവിധ സഹായങ്ങളും സുഷമ സ്വരാജ്​ വാഗ്​ധാനം ചെയ്​തു.  ട്വിറ്റർ അക്കൗണ്ടിലൂടെയാണ്​ സുഷമ അനുശോചനം രേഖപ്പെടുത്തിയത്​. 

യു.എസിലെ കൻസാസ്​ സിറ്റിയിൽ വെള്ളിയാഴ്​ച വൈകീ​േട്ടാടെയായിരുന്നു​ ശരത്തിന്​ വെടിയേറ്റത്​​. കഴിഞ്ഞ വർഷമാണ്​ ശരത്​ അമേരിക്കയിലെത്തിയത്​. യു.എസിലെ മിസൗറി-കൻസാസ്​ സർവകലാശാലയിലെ വിദ്യാർഥിയായിരുന്നു​. പഠനത്തോടൊപ്പം സമീപത്തെ റസ്​റ്ററൻറിലും ശരത്​ ജോലി ചെയ്​തിരുന്നു.​ വെള്ളിയാഴ്​ച വൈകീട്ട്​ ഏഴ്​ മണിയോടെ റസ്​റ്ററൻറിലെത്തിയ അജ്ഞാതൻ ശരത്തിന്​ ​േ​നരെ വെടിയുതിർക്കുകയായിരുന്നുവെന്നാണ്​ അമേരിക്കൻ പൊലീസ്​ അറിയിച്ചത്​​.

റസ്​റ്ററൻറിൽ മോഷണത്തിനെത്തിയതാണ്​ അക്രമിയെന്നാണ്​ പൊലീസി​​​െൻറ പ്രാഥമിക നിഗമനം. അക്രമിയിൽ നിന്ന്​ ഒാടി രക്ഷപ്പെടാൻ ശ്രമിക്കു​േമ്പാഴാണ്​ ശരതിന്​ വെടിയേറ്റത്​.  അക്രമിയുടെ ദൃശ്യങ്ങൾ പൊലീസ്​ പുറത്ത്​ വിട്ടിട്ടുണ്ട്​. തെലങ്കാനയിലെ വാറങ്കലാണ്​ ശരത്തി​​​െൻറ സ്വദേശം. എൻജീനീയറിങ്​ ബിരുദദാരിയായ ശരത്​ ഹൈദരാബാദിലെ ജോലി ഉപേക്ഷിച്ചാണ്​ അമേരിക്കയിലേക്ക്​ ഉപരിപഠനത്തിനായി പോയത്​.