Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightഞാൻ സവർക്കറെ...

ഞാൻ സവർക്കറെ ആരാധിക്കുന്നു, അതുപോലെ ജയിലിൽ പോകാൻ കാത്തിരിക്കുന്നു -കങ്കണ

text_fields
bookmark_border
ഞാൻ സവർക്കറെ ആരാധിക്കുന്നു, അതുപോലെ ജയിലിൽ പോകാൻ കാത്തിരിക്കുന്നു -കങ്കണ
cancel
camera_alt

കങ്കണ റണാവത്ത്​

മുംബൈ: മുംബൈ പൊലീസ്​ പുതിയ കേസ്​ രജിസ്​റ്റർ ചെയ്​തതിന്​ പിന്നാലെ വൈകാരിക പ്രതികരണവുമായി ബോളിവുഡ്​ താരം കങ്കണ റണാവത്ത്​. നടൻ സുശാന്ത്​ സിങ്​ രജ്​പുതി​െൻറ മരണത്തെത്തുടർന്ന്​ മു​ംബൈ പൊലീസിനെതിരെയും ​ബോളിവുഡ്​ സിനിമ മേഖലക്കെതിരെയും നടത്തിയ അപകീർത്തികരമായ പരാമർശങ്ങളെത്തുടർന്നാണ്​ കങ്കണക്കെതിരെ കേസ്​ രജിസ്​റ്റർ ചെയ്​തത്​.

''ഞാൻ സവർക്കറേയും സുഭാഷ്​ ച​ന്ദ്ര ബോസിനേയും​ ​ഝാൻസിറാണിയേയും പോലെയുള്ളവരെ ആരാധിക്കുന്നു. ഇപ്പോൾ സർക്കാർ എന്നെ ജയിലിൽ അടക്കാൻ ശ്രമം നടത്തുകയാണ്​. ഇത്​ എ​െൻറ തെരഞ്ഞെടുപ്പിൽ എനിക്ക്​ ആത്മവിശ്വാസം നൽകുന്നു. ഞാൻ ആരാധിക്കുന്നവരെപ്പോലെ ജയിലിൽ പോകാൻ ഞാൻ കാത്തിരിക്കുകയാണ്​. അത്​ എ​െൻറ ജീവിതത്തിന്​ അർത്ഥം നൽകും'' -കങ്കണ ട്വീറ്റ്​ ചെയ്​തു.

മറ്റൊരു ട്വീറ്റിൽ കങ്കണ പറയുന്നതിങ്ങനെ: ''റാണി ലക്ഷ്​മീഭായിയുടെ കോട്ട പൊളിച്ചപോലെ എ​െൻറ വീടും പൊളിച്ചു. വീർ സവർക്കറെ ജയിലിലടച്ചപോലെ എന്നെയും ജയിലിലടക്കാൻ പോകുകയാണ്​. ഈ അസഹിഷ്​ണുത നിറഞ്ഞ രാജ്യത്ത്​ എത്ര വേദന അനുഭവിച്ചുവെന്ന്​ അസഹിഷ്​ണുത സംഘത്തോട്​ പോയി ചോദിക്കൂ''

ഇന്ത്യയിൽ വളർന്നുവരുന്ന അസഹിഷ്​ണുതയെക്കുറിച്ച്​ 2015ൽ ആമിർഖാൻ നടത്തിയ പ്രസ്​താവനയെ ലക്ഷ്യമിട്ടായിരുന്നു കങ്കണയുടെ ട്വീറ്റ്​.

Show Full Article
TAGS:Kangana Ranaut mumbai police 
Next Story