'കങ്കണാ..ഇത്​ ബോളിവുഡല്ല, പഞ്ചാബാണ്..അതോർമ വേണം​'​

ചണ്ഡിഗഡ്​: സംഘ്​പരിവാറിനെ അനുകൂലിക്കുന്ന ബോളിവുഡ്​ നടി കങ്കണ റണാവത്തും പഞ്ചാബി ഗായകൻ ദിൽജിത്​ ദോസഞ്ചും കഴിഞ്ഞ ദിവസം ട്വിറ്ററിൽ 'ഏറ്റുമുട്ടി'. കർഷക പ്രക്ഷോഭത്തിൽ അണിനിരന്ന പ്രായമായ സിഖ്​ സ​്ത്രീയെ കങ്കണ റണാവത്ത്​ ശഹീൻബാഗ്​ സമരനായിക ബിൽകീസ്​ ബാനു​െവന്ന്​ തെറ്റായി ചൂണ്ടിക്കാട്ടിയതും 100 രൂപ ദിവസക്കൂലിക്ക്​ സമരം ചെയ്യുന്നവരാണ്​ അവ​രെന്ന്​ ആക്ഷേപിച്ചതും ഏറെ വിവാദമായിരുന്നു. ഇതിന്​ ദിൽജിത്​ നൽകിയ മറുപടിയാണ്​ നടിയെ ചൊടിപ്പിച്ചത്​.

തുടർന്ന്​ ട്വിറ്ററിൽ ഇരുവരും അന്യോന്യം ട്വീറ്റുകളെയ്​ത്​ ഏറ്റുമുട്ടിയതിനൊടുവിൽ ദിൽജിതിനെ 'ഭീകരൻ' എന്ന്​ മുദ്രകുത്തി കങ്കണ ട്വീറ്റിട്ടു. ഇതിന്​ തകർപ്പൻ മറുപടിയുമായി ഗായകനും രംഗത്തെത്തിയ​േതാടെ വാഗ്വാദം കൊഴുക്കുകയായിരുന്നു. ഈ പോരിനിടയിൽ 'കങ്കണാ..ഇത്​ ബോളിവുഡല്ല, പഞ്ചാബാണ്​. ഇവിടെ നുണ പറഞ്ഞ്​ ആളുക​െള സ്വാധീനിക്കാമെന്ന്​ കര​ുതേണ്ട' എന്നും ദിൽജിത്​ ഓർമിപ്പിച്ചു.

അവാസ്​തമായ ട്വീറ്റിനെക്കുറിച്ച്​ ദിൽജിത്​ ചൂണ്ടിക്കാട്ടിയ​േപ്പാൾ 'താങ്കൾ കരൺ ജോഹറി​െൻറ വാലാട്ടി​യാണെ'ന്ന പരാമർശമാണ്​ കങ്കണ നടത്തിയത്​. അതിന്​ ത​െൻറ നിരവധി പഞ്ചാബി ട്വീറ്റുകളി​ലൊന്നിൽ ദിൽജിതി​െൻറ മറുപടി ഇപ്രകാരമായിരുന്നു -'ഒപ്പം ജോലി ചെയ്​ത ആളുകളുടെയൊക്കെ വാലാട്ടിയാണോ നിങ്ങൾ? അങ്ങനെയാണെങ്കിൽ നിങ്ങളുടെ ബോസുമാരുടെ ലിസ്​റ്റ്​ നീണ്ടതായിരിക്കുമല്ലോ. ഇത്​ ബോളിവുഡല്ല, പഞ്ചാബാണ്​. അതോർമ വേണം. നുണപറഞ്ഞ്​ ആളുകളെ സ്വാധീനിക്കാനും അവരുടെ വികാരങ്ങൾ കൊണ്ട്​ കളിക്കാനും നിങ്ങൾക്ക്​ നന്നായറിയാമല്ലോ.'

ഇതിനുപിന്നാലെ, ദിൽജിത്​ ഖലിസ്​ഥാൻ വാദത്തെ പിന്തുണക്കുന്നയാളാണെന്നും അറസ്​റ്റ്​ ചെയ്യണമെന്നുമുള്ള പഞ്ചാബിലെ ഒരു കോൺഗ്രസ്​ നേതാവി​െൻറ പഴയ ട്വീറ്റ്​ കുത്തിപ്പൊക്കിയ കങ്കണ, ദിൽജിതിനെ ഭീകരനെന്ന രീതിയിൽ പരാമർശിച്ചു. പഞ്ചാബ്​ ഭാരതമാതാവി​െൻറ ഹൃദയമാണെന്നും ആ ഹൃദയത്തെ ശരീരത്തിൽനിന്ന്​ പറിച്ചുമാറ്റാൻ നോക്കുന്ന ഭീകരവാദികളെ നമ്മൾ തിരിച്ചറിയണമെന്നും മറ്റൊരു ട്വീറ്റിൽ കങ്കണ കുറിച്ചു.

ഈ ആരോപണം ​േകട്ട ദിൽജിതും അടങ്ങിയിരുന്നില്ല. മറുപടിയും ഉടനെത്തി. 'എന്തുദ്ദേശ്യത്തിലാണ്​ ഇതൊക്കെ പറയുന്നത്​? നിങ്ങൾക്ക്​ രാഷ്​ട്രീയത്തിൽ പ്രവേശിക്കാൻ ആഗ്രഹമുണ്ടെന്ന്​ ഞങ്ങൾക്കറിയാം. എന്നാൽ, എന്ത്​ പറയു​േമ്പാഴും അതിനെക്കുറിച്ച്​ എന്തെങ്കിലും ബോധ്യമുണ്ടായിരിക്കണം. ഞങ്ങൾ സംസാരിക്കുന്നത്​ നമ്മുടെ കർഷകരെക്കുറിച്ചാണ്​. അപ്പോൾ നിങ്ങൾ മാതാവിനെക്കുറിച്ചൊക്കെ പറയുന്നു. വിഷയത്തിൽനിന്ന്​ ഒളിച്ചോടരുത്​' -ദിൽജിത്​ പഞ്ചാബിയിൽ ട്വീറ്റ്​ ചെയ്​തു.