കമൽ ഹാസൻ ഭാരത് ജോഡോ യാത്രയിൽ രാഹുലിനൊപ്പം

ന്യൂഡൽഹി: ആയിരക്കണക്കിനാളുകൾ ഭാഗവാക്കായ രാഹുൽ ഗാന്ധിയുടെ ഭാരത് ജോഡോ യാത്രയിൽ പ​ങ്കെടുക്കാൻ ഉലകനായകൻ കമൽ ഹാസനുമെത്തി. കമൽ ഹാസൻ യാത്രയിൽ പ​ങ്കെടുക്കുമെന്ന് നേരത്തേ റിപ്പോർട്ടുണ്ടായിരുന്നു.

കോൺഗ്രസ് നേതാക്കളായ സോണിയ ഗാന്ധി, പ്രിയങ്ക ഗാന്ധി, ജയ്റാം രമേശ്, പവൻ ഖേര, ഭൂപീന്ദർ സിങ് ഹൂഡ, കുമാരി സെൽജ, രൺധീപ് സുർജേവാല എന്നിവരും യാത്രയിൽ പ​ങ്കെടുത്തിരുന്നു. ഇത് രണ്ടാം തവണയാണ് സോണിയ യാത്രയുടെ ഭാഗമാവുന്നത്. കർണാടകയിൽ നടന്ന മെഗാ കാൽനട യാത്രയിലാണ് സോണിയ ആദ്യമെത്തിയത്.

യാത്ര ഇന്ന് വൈകീട്ട് ചെങ്കോട്ടയിൽ താൽകാലിക വിരാമമാകും. ഒമ്പത് ദിവസത്തെ ഇടവേളക്കു ശേഷം ജനുവരി മൂന്നിനാണ് പിന്നീട് യാത്ര പുനരാരംഭിക്കുക.