2019ലെ ലോക്​സഭ തെരഞ്ഞെടുപ്പിൽ മൽസരിക്കുമെന്ന്​ കമൽഹാസൻ

ചെന്നൈ: 2019ലെ ലോക്​സഭ തെരഞ്ഞെടുപ്പിൽ മക്കൾ നീതി മയ്യം മൽസരിക്കുമെന്ന്​ കമൽഹാസൻ. തമിഴ്​നാടി​​​​െൻറ വികസനമായി രിക്കും മക്കൾ നീതി മയ്യം തെരഞ്ഞെടുപ്പിൽ മുഖ്യ പ്രചാരണായുധമാക്കുക. തുറന്ന മനസുള്ള പാർട്ടികളുമായി തെരഞ്ഞെടുപ് പിൽ സഹകരിക്കുമെന്നും അദ്ദേഹം പറഞ്ഞു.

തെരഞ്ഞെടുപ്പിലെ സ്ഥാനാർഥികളെ നിശ്​ചയിക്കാനായി കമ്മിറ്റിയെ നിയോഗിച്ചിട്ടുണ്ട്​. തമിഴ്​ സംസ്​കാരത്തെ മാറ്റാൻ ശ്രമിക്കുന്ന പാർട്ടികളുമായി സഖ്യമുണ്ടാക്കില്ലെന്നും അദ്ദേഹം കൂടിച്ചേർത്തു.

നേരത്തെ തമിഴ്​നാട്ടിലെ 20 നിയമസഭ സീറ്റുകളിലേക്കുള്ള തെരഞ്ഞെടുപ്പിൽ മൽസരിക്കാൻ മക്കൾ നീതി മയ്യം തയാറാണെന്ന്​ കമൽഹാസൻ അറിയിച്ചിരുന്നു. ഇതിന്​ പിന്നാലെയാണ്​ ലോക്​സഭ തെരഞ്ഞെടുപ്പിലും മൽസരിക്കുമെന്ന്​ അറിയിച്ചിരിക്കുന്നത്​. എ.​െഎ.എ.ഡി.എം.കെയുടെ കടുത്ത വിമർശകനായ കമൽ സ്​റ്റർലൈറ്റ്​ പ്ലാൻറിലുൾപ്പടെ സർക്കാറിനെതിരെ രംഗത്തെത്തിയിരുന്നു.