Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightകാലിടറിയത്​...

കാലിടറിയത്​ എം.ജി.ആറിന്​ മുന്നിൽ

text_fields
bookmark_border
കാലിടറിയത്​ എം.ജി.ആറിന്​ മുന്നിൽ
cancel

തമിഴകത്തെ ഇളക്കിമറിച്ച സംഭാഷണങ്ങളിലൂടെ എം.ജി.ആർ. എന്ന എം.ജി. രാമചന്ദ്രനെ മക്കൾ തിലകമായി മാറ്റിയത്​ കലൈജ്ഞറുടെ പേനയാണ്​. മൂർച്ചയേറിയ സംഭാഷണങ്ങൾ എം.ജി.ആറിലൂടെ പ്രേക്ഷകരിലെത്തി. മക്കൾ തിലകമായി, ജനനേതാവായി മാറിയ എം.ജി.ആർ മുഖ്യമന്ത്രി കസേരയിലിരുന്ന അത്രയും വർഷങ്ങൾ കലൈജ്ഞറെന്ന എം.കരുണാനിധിക്ക്​ അധികാരത്തിൽ നിന്നും പുറത്തിരി​േക്കണ്ടി വന്നു. എം.ജി.ആറി​​​​െൻറ കാലശേഷമാണ്​ വീണ്ടും അധികാരത്തിൽ തിരിച്ചെത്തിയത്​. കരുണാനിധിയുടെ രാഷ്​ട്രിയ ജീവിതത്തിൽ നേരിട്ട ഏറ്റവും വലിയ പരീക്ഷണവും എം.ജി.ആറിൽ നിന്നായിരുന്നു.

ഒരു മനസ്സും ഇരു മെയ്യുമായാണ്​ കരുണാനിധിയും എം.ജി.ആറും ഡി.എം.കെയിലും സിനിമാലോകത്തും പ്രവർത്തിച്ചത്​. ത​​​​െൻറ രണ്ട്​ സഹോദരന്മാർ എന്നാണ്​ ഡി.എം.കെ സ്​ഥാപകൻ സി.എൻ. അണ്ണാദുരൈ ഇരുവരെയും പരിചയപ്പെടുത്തിയിരുന്നത്​. സി.എൻ. അണ്ണാദുരൈയുടെ മരണത്തെ തുടർന്ന്​ 1969ൽ കരുണാനിധിയെ മുഖ്യമന്ത്രിയാക്കുന്നതിനായി പ്രവർത്തിച്ചതും എം.ജി.ആർ. എന്നിട്ടും 1972 ഒക്​ടോബർ 14ന്​ വഴിപിരിഞ്ഞു. അന്ന്​ കരുണാനിധി ഡി.എം.കെ. പ്രസിഡൻറും എം.ജി.ആർ ട്രഷററുമായിരുന്നു. 1947ൽ പുറത്തിറങ്ങിയ രാജകുമാരി എന്ന ചലച്ചിത്രത്തിലൂടെയാണ്​ എം.ജി.ആറും കരുണാനിധിയും ആദ്യം കാണുന്നത്​. 

അതിനു മുമ്പുതന്നെ നാടകരചനയിലൂടെയും തമിഴ്​ സാഹിത്യം അരച്ച്​ കലക്കിയുള്ള പ്രസംഗത്തിലൂടെയും പ്രശസ്​തനായിരുന്നു കരുണാനിധി. അതുവരെ എം.ജി.ആറും ശ്രദ്ധേയമായ വേഷങ്ങളിൽ അഭിനയിച്ചിരുന്നില്ല. അതൊരു പുതിയ തുടക്കമായിരുന്നു. തമിഴ്​ സിനിമയുടെയും ദ്രാവിഡ രാഷ്​ട്രീയത്തി​​​​െൻറയും തലവര മാറ്റിയെഴുതിയ കൂടിക്കാഴ്​ചയെന്ന്​ വേണമെങ്കിൽ വിശേഷിപ്പിക്കാം. 

രാജകുമാരി പുറത്തിറങ്ങിയതോടെ കരുണാനിധി നാട്ടിലേക്ക്​ മടങ്ങി. എന്നാൽ, എം.ജി.ആർ വിടാൻ ഒര​ുക്കമായിരുന്നില്ല. ചേട്ടൻ ചക്രപാണിയും ചേർന്ന്​ കരുണാനിധിയെ ​ചെന്നൈക്ക്​ വിളച്ചു​വരുത്തി. മരുതനാട്​ എന്ന സിനിമയുടെ കഥയും തിരക്കഥയും എഴുതാൻ വന്ന കരുണാനിധിയെ സ്വന്തം വീട്ടിലേക്കാണ്​ എം.ജി.ആറും ചേട്ടനും ചേർന്ന്​ കൊണ്ടുപോയത്​. വൈകാതെ എം.ജി.ആറും കരുണാനിധിയ​ുടെ വഴിയെ ഡി.എം.കെയിലെത്തി. എന്നാൽ, അഭിനയരംഗത്ത്​ തുടരാനായിരുന്നു താൽപര്യം. കരുണാനിധിയുടെ തിരക്കഥയിൽ എത്രയോ സിനിമകൾ പിറന്നു. ആ സംഭാഷണങ്ങളൊക്കെ എം.ജി.ആറിലൂടെ ബോക്​സ്​ ഒാഫിസ്​ ഹിറ്റുകളാകുക മാത്രമായിരുന്നില്ല, ഡി.എം.കെ എന്ന രാഷ്​ട്രീയ പ്രസ്​ഥാനത്തിന്​ അടിത്തറപാകുക കൂടിയായിരുന്നു. തെരഞ്ഞെടുപ്പുകളിൽ മത്സരിക്കാതെ എം.ജി.ആർ മാറിനിന്നപ്പോൾ കരുണാനിധിയിലെ രാഷ്​ട്രീയക്കാരനു വേണ്ടി പ്രവർത്തിക്കാൻ മറന്നില്ല. 

1967ൽ ഡി.എം.കെ തമിഴ്​നാട്ടിൽ അധികാരം പിടിക്കാൻ കരുണാനിധി-എം.ജി.ആർ സിനിമ കൂട്ടുകെട്ടാണ്​ കാരണമായത്​. അന്ന്​ സി.എൻ. അണ്ണാദുരൈ മുഖ്യമന്ത്രിയായപ്പോൾ കരുണാനിധിയും മന്ത്രിയായി. പ്രചാരണ വിഭാഗം സെക്രട്ടറിയും പിന്നിട്​ ഡി.എം.കെ ട്രഷററുമായിരുന്നു കരുണാനിധി. 1969ൽ അണ്ണാദുരൈയുടെ മരണത്തെ തുടർന്ന്​ ​മുഖ്യമന്ത്രിസ്ഥാനത്തെച്ചൊല്ലി നെടുഞ്ചെഴിയനുമായി തർക്കം വന്നപ്പോഴും എം.ജി.ആറാണ്​ പിന്നിൽനിന്ന്​ പിന്തുണ ഉറപ്പിച്ചത്​. 

കരുണാനിധി ആദ്യമായി ഡി.എം.കെ. പ്രസിഡൻറാകു​​േമ്പാൾ പാർട്ടി ഖജനാവി​​​​െൻറ ചുമതല എം.ജി.ആർ ഏറ്റെടുത്തു. അണ്ണാദുരൈയില്ലാത്ത 1971ലെ നിയമസഭ തെരഞ്ഞെടുപ്പിൽ തെക്കുനിന്ന്​ എം.ജി.ആറും വടക്കു നിന്ന്​ കരുണാനിധിയും പ്രചാരണം നയിച്ചു. പക്ഷേ, അജ്ഞാത കാരണങ്ങളാൽ 1972ൽ ഡി.എം.കെ പിളർന്നു. എം.ജി.ആർ അണ്ണാ ഡി.എം.കെ രൂപവത്​കരിച്ചു. കരുണാനിധി ഡി.എം.കെയിൽ തുടർന്നു. 

Show Full Article
TAGS:Karunanidhi death mgr india news malayalam news 
News Summary - Kalaingar Fails Only In front of MGR - India News
Next Story