രാജിവെച്ച എം.പി​െയ ബി.ജെ.പിയിലേക്ക്​ സ്വാഗതം ചെയ്​ത്​ കൈലാഷ്​ വിജയവർഗീയ

ന്യൂഡൽഹി: രാജിവെച്ച തൃണമൂൽ കോൺഗ്രസ്​ രാജ്യസഭ എം.പി ദിനേഷ്​ ​തൃവേദിയെ ബി.ജെ.പിയിലേക്ക്​ സ്വാഗതം ചെയ്​ത്​ കൈലാഷ്​ വിജയവർഗീയ. തൃവേദി മാത്രമല്ല സത്യസന്ധമായി പ്രവർത്തിക്കണമെന്ന്​ ആഗ്രഹിക്കുന്ന എല്ലാവരും ബി.ജെ.പിയിലെത്തണമെന്ന്​ അദ്ദേഹം പറഞ്ഞു.

പാർലമെന്‍റിൽ ബജറ്റ്​ ചർച്ച പുരോഗമിക്കുന്നതിനിടെയാണ്​ തൃവേദി നാടകീയമായി രാജിപ്രഖ്യാപനം നടത്തിയത്​. പശ്​ചിമബംഗാളിൽ അക്രമസംഭവങ്ങളിൽ ഒന്നും ചെയ്യാൻ സാധിക്കുന്നില്ലെന്ന്​ പറഞ്ഞായിരുന്നു അദ്ദേഹത്തിന്‍റെ രാജി.

നേരത്തെ നിരവധി തൃണമൂൽ നേതാക്കൾ പാർട്ടി വിട്ട്​ ബി.ജെ.പിയിലെത്തിയിരുന്നു. തെരഞ്ഞെടുപ്പ്​ അടുത്തിരിക്കുന്ന പശ്​ചിമബംഗാളിൽ വലിയ പ്രചാരണമാണ്​ ബി.ജെ.പി നടത്തുന്നത്​.