മത്സരിക്കാതെ വിയർക്കുന്ന ‘മഹാരാജാവ്’

ക​ഴി​ഞ്ഞ നി​യ​മ​സ​ഭ തെ​ര​ഞ്ഞെ​ടു​പ്പി​ൽ മു​ഖ്യ​മ​ന്ത്രി ശി​വ​രാ​ജ് സി​ങ് ചൗ​ഹാ​​ന്റെ മു​ഖ്യ എ​തി​രാ​ളി​ക​ളി​ലൊ​രാ​ളാ​യി ഗ​ണി​ക്ക​പ്പെ​ട്ടി​രു​ന്ന ജ്യോ​തി​രാ​ദി​ത്യ സി​ന്ധ്യ ഇ​ക്കു​റി മ​ധ്യ​പ്ര​ദേ​ശ് നി​യ​മ​സ​ഭ തെ​ര​ഞ്ഞെ​ടു​പ്പി​ന്റെ ചി​ത്ര​ത്തി​ലി​ല്ലാ​തി​രു​ന്നി​ട്ടും പ​ണി​യെ​ടു​ക്കേ​ണ്ട ഗ​തി​കേ​ടി​ലാ​ണ്. കേ​ന്ദ്ര മ​ന്ത്രി​മാ​രാ​യ ന​രേ​ന്ദ്ര സി​ങ് തോ​മ​ർ, പ്ര​ഹ്ളാ​ദ് പ​ട്ടേ​ൽ, ഫ​ഗ്ഗ​ൻ സി​ങ് കു​ല​സ്തെ എ​ന്നി​വ​രെ പോ​ലെ ‘ഗ്വാ​ളി​യോ​ർ മ​ഹാ​രാ​ജാ​വി’​നെ ബി.​ജെ.​പി മ​ത്സ​ര രം​ഗ​ത്തേ​ക്ക് ത​ള്ളി​വി​ട്ടി​ട്ടി​ല്ല. എ​ന്നി​ട്ടും സ്വ​ന്തം ത​ട്ട​കം കാ​ക്കാ​ൻ വി​യ​ർ​ക്കു​ക​യാ​ണ് സി​ന്ധ്യ.

രാ​ജ്യ​സ​ഭ അം​ഗ​ത്വ കാ​ലാ​വ​ധി 2026 വ​രെ​യു​ണ്ടെ​ങ്കി​ലും മ​ധ്യ​പ്ര​ദേ​ശ് നി​യ​മ​സ​ഭ തെ​ര​ഞ്ഞെ​ടു​പ്പാ​യി​രി​ക്കും സി​ന്ധ്യ​യു​ടെ രാ​ഷ്ട്രീ​യ ഭാ​വി നി​ർ​ണ​യി​ക്കു​ക. ഗ്വാ​ളി​യോ​ർ, ച​മ്പ​ർ മേ​ഖ​ല​ക​ളി​ലെ 34 സീ​റ്റു​ക​ളി​ൽ ബി.​ജെ.​പി​യു​ടെ പ്ര​ക​ട​നം മ​ങ്ങി​യാ​ൽ അ​ത് സി​ന്ധ്യ​യു​ടെ ശോ​ഭ കെ​ടു​ത്തും.

2018ലെ ​നി​യ​മ​സ​ഭ തെ​ര​ഞ്ഞെ​ടു​പ്പി​ൽ 28 സീ​റ്റു​ക​ളി​ലും കോ​ൺ​ഗ്ര​സി​ന്റെ വെ​ന്നി​ക്കൊ​ടി പാ​റി​ച്ച് സി​ന്ധ്യ ബി.​ജെ.​പി​യെ തൂ​ത്തു​വാ​രി​യ മേ​ഖ​ല​യാ​ണി​ത്. ജ​യി​ച്ചു ക​യ​റി​യ​വ​രി​ൽ ബ​ഹു​ഭൂ​രി​ഭാ​ഗ​വും ത​ന്റെ ആ​ളു​ക​ളാ​യി​രു​ന്ന​തി​നാ​ൽ അ​വ​രെ​യും കൊ​ണ്ട് ക​മ​ൽ​നാ​ഥ് സ​ർ​ക്കാ​റി​നെ മ​റി​ച്ചി​ട്ട് തോ​റ്റ ബി.​ജെ.​പി​ക്ക് മ​ധ്യ​പ്ര​ദേ​ശ് പി​ടി​ക്കാ​ൻ സി​ന്ധ്യ അ​വ​സ​ര​മൊ​രു​ക്കി. കൂ​റു​മാ​റി​യ എം.​എ​ൽ.​എ​മാ​ർ ബി.​ജെ.​പി ടി​ക്ക​റ്റി​ൽ മ​ത്സ​രി​ക്കു​മ്പോ​ൾ പാ​ർ​ട്ടി മാ​റി​യാ​ലും മേ​ഖ​ല ത​ന്റേ​തെ​ന്ന് തെ​ളി​യി​ക്കു​ക സി​ന്ധ്യ​ക്ക് ക​ടു​ത്ത വെ​ല്ലു​വി​ളി​യാ​ണ്.

കാ​ല​ങ്ങ​ളാ​യി സി​ന്ധ്യ​യോ​ടെ​തി​രി​ട്ട നേ​താ​ക്ക​ളെ പ​രി​ഗ​ണി​ക്കാ​തെ കൂ​റു​മാ​റി​യെ​ത്തി​യ​വ​ർ​ക്ക് സീ​റ്റു​ക​ൾ ന​ൽ​കി​യ​തി​ൽ ബി.​ജെ.​പി​ക്കു​ള്ളി​ൽ അ​മ​ർ​ഷം പു​ക​യു​ക​യാ​ണ്. 2018-ൽ ​കോ​ണ്‍ഗ്ര​സ് സ്ഥാ​നാ​ർ​ഥി​യാ​യി മൊ​റേ​ന​യി​ല്‍നി​ന്ന് വി​ജ​യി​ച്ച ര​ഘു​രാ​ജ് ക​ന്‍സ​ന ജ്യോ​തി​രാ​ദി​ത്യ സി​ന്ധ്യ​ക്കൊ​പ്പം കൂ​റു​മാ​റി​യ​തി​നെ തു​ട​ർ​ന്നു​ണ്ടാ​യ ഉ​പ​തെ​ര​ഞ്ഞെ​ടു​പ്പി​ല്‍ ബി.​ജെ.​പി ടി​ക്ക​റ്റി​ല്‍ മ​ത്സ​രി​ച്ച് തോ​റ്റി​രു​ന്നു. ക​ന്‍സ​ന​യു​ടെ സ്ഥാ​നാ​ർ​ഥി​ത്വ​ത്തി​ല്‍ അ​തൃ​പ്ത​രാ​യി മു​ന്‍ ഐ.​പി.​എ​സ് ഉ​ദ്യോ​ഗ​സ്ഥ​നാ​യ ബി.​ജെ.​പി നേ​താ​വ് റു​സ്തം സി​ങ് അ​ട​ക്ക​മു​ള്ള​വ​ർ ക​ൻ​സ​ന​യെ എ​തി​ർ​ത്തി​രു​ന്നു.

ഇ​ക്കു​റി ത​​ന്റെ മ​ക​ന്‍ രാ​കേ​ഷ് സി​ങ്ങി​ന് മൊ​റേ​ന വേ​ണ​മെ​ന്ന് അ​ദ്ദേ​ഹം ആ​വ​ശ്യ​പ്പെ​ട്ടെ​ങ്കി​ലും ബി.​ജെ.​പി ര​ഘു​രാ​ജ് ക​ന്‍സ​ന​യെ സ്ഥാ​നാ​ർ​ഥി​യാ​യി പ്ര​ഖ്യാ​പി​ച്ചു. അ​തോ​ടെ മ​ധ്യ​പ്ര​ദേ​ശി​ൽ ര​ണ്ടു ത​വ​ണ ബി.​ജെ.​പി മ​ന്ത്രി​യാ​യ റു​സ്തം സി​ങ് രാ​ജി​വെ​ച്ച് ബി.​എ​സ്.​പി​യി​ൽ ചേ​ർ​ന്നി​രി​ക്കു​ക​യാ​ണ്.

ര​ണ്ട് ഡ​സ​നോ​ളം നേ​താ​ക്ക​ൾ തി​രി​കെ കോ​ൺ​ഗ്ര​സി​ലേ​ക്ക് ത​ന്നെ പോ​യ​തോ​ടെ അ​വ​ശേ​ഷി​ക്കു​ന്ന കൂ​റു​മാ​റ്റ​ക്കാ​രോ​ടു​ള്ള വി​ശ്വാ​സ​ക്കു​റ​വു​മു​ണ്ട്. ബി.​ജെ.​പി​യി​ൽ ഭാ​വി കാ​ണു​ന്നി​ല്ലെ​ന്നും മ​ധ്യ​പ്ര​ദേ​ശി​ൽ സാ​ധ്യ​ത​യേ​റെ ​കോ​ൺ​ഗ്ര​സി​നാ​ണെ​ന്ന് പ​റ​ഞ്ഞാ​ണ് അ​ത്ര​യും പേ​ർ തി​രി​കെ പോ​യ​ത്. തി​രി​കെ വ​ന്ന​വ​രെ തു​റ​ന്ന മ​ന​സ്സോ​ടെ സ്വീ​ക​രി​ച്ച ക​മ​ൽ​നാ​ഥ് അ​വ​രി​ൽ പ​ല​ർ​ക്കും ടി​ക്ക​റ്റും ന​ൽ​കി. 2018-ൽ ​മ​ധ്യ​പ്ര​​ദേ​ശി​ൽ മു​ഖ്യ​മ​ന്ത്രി സ്ഥാ​നാ​ർ​ഥി​യാ​കു​മോ എ​ന്ന് ഏ​വ​രും ഉ​റ്റു​നോ​ക്കി​യേ​ട​ത്തു​നി​ന്ന് ഇ​ന്ന് ശി​വ​രാ​ജ് സി​ങ് ചൗ​ഹാ​നെ മാ​റ്റി​യാ​ലും പ​ക​രം​വെ​ക്കാ​നു​ള്ള ഒ​രാ​ളാ​യി പോ​ലും ബി.​ജെ.​പി സി​ന്ധ്യ​യെ പ​രി​ഗ​ണി​ക്കു​ന്നി​ല്ല. സി​ന്ധ്യ​ക്ക് സീ​റ്റ് ന​ൽ​കാ​തി​രു​ന്ന​തും വെ​റു​തെ​യ​ല്ല.