ജസ്റ്റിസ് കെ. വിനോദ് ചന്ദ്രൻ സുപ്രീംകോടതി ജഡ്ജി

ന്യൂഡൽഹി: മലയാളിയും ബിഹാർ ഹൈകോടതി ചീഫ് ജസ്റ്റിസുമായ ജസ്റ്റിസ് കെ. വിനോദ് ചന്ദ്രനെ സുപ്രീം കോടതി ജഡ്ജിയായി നിയമിച്ചു. കൊളീജിയത്തിന്റെ ശിപാർശ കേന്ദ്ര സർക്കാർ അം​ഗീകരിച്ചതിന് പിന്നാലെ നിയമന ഉത്തരവിൽ രാഷ്ട്രപതി ഒപ്പുവച്ചു.

2011 നവംബറിൽ കേരള ഹൈകോടതി ജഡ്ജിയായി നിയമിക്കപ്പെട്ട ജസ്റ്റിസ് വിനോദ് ചന്ദ്രൻ 2023 മാർച്ചിലാണ് ബിഹാർ ഹൈകോടതി ചീഫ് ജസ്റ്റിസായി നിയമിതനായത്. സുപ്രീംകോടതി ചീഫ് ജസ്റ്റിസ് സഞ്ജീവ് ഖന്ന അധ്യക്ഷനായ കൊളീജിയം വിനോദ് ചന്ദ്രനെ സുപ്രീം കോടതി ജഡ്ജിയായി ശിപാർശ ചെയ്യുകയായിരുന്നു. എറണാകുളം നോർത്ത് പറവൂർ സ്വദേശിയാണ്.