Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightയു.പിയിൽ നടക്കുന്നത്​...

'യു.പിയിൽ നടക്കുന്നത്​ ജംഗിൾ രാജ്​, പെൺകുട്ടികൾ എങ്ങനെ പുറത്തിറങ്ങും'- പ്രിയങ്ക ഗാന്ധി

text_fields
bookmark_border
യു.പിയിൽ നടക്കുന്നത്​ ജംഗിൾ രാജ്​, പെൺകുട്ടികൾ എങ്ങനെ പുറത്തിറങ്ങും- പ്രിയങ്ക ഗാന്ധി
cancel

ലഖ്​നോ: 10 ദിവസത്തിനിടെ രണ്ട്​ ബാലികമാർ ഉത്തർപ്രദേശിൽ അതിക്രൂരമായി ബലാത്സംഗത്തിനിരയായി കൊല്ലപ്പെട്ടിരിക്കുകയാണ്​​. ഈ സാഹചര്യത്തിൽ യു.പി മുഖ്യമന്ത്രി യോഗി ആദിത്യനാഥും മന്ത്രിമാരും ശക്തമായ നടപടികൾ സ്വീകരിക്കുകയോ ഉത്തരവാദിത്ത്വം ഏറ്റെടുക്കയോ ചെയ്യാതെ കുറ്റകൃത്യങ്ങളെ വെള്ള പൂശാൻ ശ്രമിക്കുകയാണെന്ന് കുറ്റപ്പെടുത്തി​​ കോൺഗ്രസ്​ ജനറൽ സെക്രട്ടറി പ്രിയങ്ക ഗാന്ധി. സമൂഹമാധ്യമങ്ങളിൽ പങ്കുവെച്ച കുറിപ്പിലൂടെയാണ്​ പ്രിയങ്ക സംസ്​ഥാനത്തെ പെൺകുഞ്ഞുങ്ങളുടെ സുരക്ഷയെ സംബന്ധിച്ചും സംസ്​ഥാനത്തെ ക്രമസമാധാന നില താറുമാറായത്​ സംബന്ധിച്ചും പ്രതികരിച്ചത്​.

'സംസ്​ഥാനത്ത്​ ജംഗിൾ രാജ്​ ആണ്​ നടക്കുന്നത്​. ​ലഖിംപൂരിലെ കുട്ടി ഓൺലൈൻ അപേക്ഷ നൽകാൻ പോയതായിരുന്നു. ബലാത്സംഗ​ം ചെയ്​ത്​ കൊലപ്പെടുത്തിയ ശേഷം ശരീരം വികൃതമാക്കിയതായാണ്​ കുടുംബം പറയുന്നത്​. സ്​ഥിതി ഇത്തരത്തിലാണെങ്കിൽ പെൺകുട്ടികൾ എങ്ങനെയാണ്​ പഠിക്കാനായി വീട്ടിൽ നിന്നും പുറ​ത്തിറങ്ങുക. ആരാണ്​ അവരുടെ സുരക്ഷ ഉറപ്പ്​ വരുത്തുക'- പ്രിയങ്ക ഫേസ്​ബുക്കിൽ കുറിച്ചു.

ബുലന്ദ്​ശഹറിൽ സുധിക്ഷ ഭാട്ടിക്ക്​ നേരിട്ട ദാരുണ സംഭവത്തിൽ നിന്നും ഉത്തർപ്രദേശ്​ സർക്കാർ യാതൊരു പാഠവും പഠിച്ചില്ല. അത്തരം സംഭവങ്ങൾ സംസ്​ഥാനത്ത്​ അനുദിനം സംഭവിച്ചുകൊണ്ടിരിക്കുകയാണ്​. സ്​ത്രീ സുരക്ഷയുടെ കാര്യം യു.പി സർക്കാർ ഒട്ടും ഗൗരവത്തിലെടുക്കുന്നില്ലെന്നും അവർ കുറ്റപ്പെടുത്തി.

ഗുരുതരമായ സംഭവങ്ങൾ നിങ്ങൾ കേൾക്കു​േമ്പാൾ, നിങ്ങളുടെ ആത്മാവ് വിറയ്ക്കും. എന്നാൽ യു.പി മുഖ്യമന്ത്രിയും മന്ത്രിമാരും ശക്തമായ നടപടികൾ സ്വീകരിക്കുകയോ ഉത്തരവാദിത്ത്വം ഏറ്റെടുക്കയോ ചെയ്യുന്നില്ല. അവരുടെ സമീപകാല പ്രസ്താവനകൾ പരിശോധിക്കുകയാണെങ്കിൽ, കുറ്റകൃത്യങ്ങളിൽ വെള്ള പൂശുന്നതിലാണ്​ അവർക്ക്​ കൂടുതൽ ആത്മവിശ്വാസം- പ്രിയങ്ക പറഞ്ഞു.

ആഗസ്​റ്റ്​ 15ന്​ ലഖിംപുരിൽതന്നെ 13 കാരിയെ ബലാത്സംഗത്തിന്​ ഇരയാക്കിയ കൊലപ്പെടുത്തിയിരുന്നു. കരിമ്പിൻ പാടത്ത്​ ഉപേക്ഷിച്ച നിലയിലായിരുന്നു പെൺകുട്ടിയുടെ മൃതദേഹം. സംഭവത്തിൽ ഗ്രാമവാസികളായ രണ്ടുപേരെ അറസ്​റ്റ്​ ചെയ്​തിരുന്നു. നാക്ക്​ മുറിച്ചെടുക്കുകയും കണ്ണുകൾ ചൂഴ്​ന്നെടുക്കുകയും ചെയ്​ത നിലയിലായിരുന്നു മൃതദേഹം കണ്ടെത്തിയത്​.

Show Full Article
TAGS:priyanka gandhi uttar pradesh jungle raj lakhimpur 
Next Story