മദ്രാസ്​ ഹൈകോടതി വളപ്പിൽ ജഡ്​ജിയുടെ കാറിൽനിന്ന്​ ലാപ്​ടോപ്​ മോഷണംപോയി

ചെന്നൈ: മദ്രാസ്​ ഹൈകോടതി വളപ്പിൽ നിർത്തിയിട്ടിരുന്ന ജഡ്​ജിയുടെ കാറിൽനിന്ന്​ ലാപ്​ടോപ്​ മോഷണംപോയി. ഒ​ൗദ്യോഗികാവശ്യങ്ങൾക്കായി ഹൈകോടതിയിലെത്തിയ തിരുവള്ളൂർ ജില്ല ചീഫ്​ ജുഡീഷ്യൽ മജിസ്​ട്രേട്ട്​ എം. ശ്രീജയുടെ ലാപ്​ടോപ്പാണ്​ നഷ്​ടപ്പെട്ടത്​. ഡ്രൈവർ മൻമദൻ ചായകുടിക്കാൻ പോയ സന്ദർഭത്തിലാണ്​ മോഷണം.

അതിസുരക്ഷ സംവിധാനമുള്ള ഹൈകോടതി വളപ്പിൽ ജഡ്​ജിയുടെ ലാപ്​ടോപ്​ മോഷ്​ടിക്കപ്പെട്ടത്​ പൊലീസ്​ ഗൗരവത്തോടെയാണ്​ കാണുന്നത്​. തിരിച്ചറിയൽ കാർഡില്ലാതെ ആരെയും ഹൈകോടതിയിലേക്ക്​ കടത്തിവിടാറില്ല. കോടതിവളപ്പിലെ സി.സി.ടി.വികൾ പൊലീസ്​ പരിശോധിക്കുന്നുണ്ട്​.