അജ്ഞാത കാളുകൾ വരുന്നെന്ന്; ഗ്യാൻവാപി സർവേക്ക് ഉത്തരവിട്ട ജഡ്ജി പരാതി നൽകി

ന്യൂ​ഡ​ൽ​ഹി: അ​ന്താ​രാ​ഷ്ട്ര ന​മ്പ​റു​ക​ളി​ൽ​നി​ന്ന് അ​ജ്ഞാ​ത കാ​ളു​ക​ൾ വ​രു​ന്ന​താ​യി പ​റ​ഞ്ഞ്, വാ​രാ​ണ​സി ഗ്യാ​ൻ​വാ​പി പ​ള്ളി​യി​ൽ വി​ഡി​യോ​ഗ്രാ​ഫി സ​ർ​വേ ന​ട​ത്ത​ണ​മെ​ന്ന് ഉ​ത്ത​ര​വി​ട്ട അ​തി​വേ​ഗ കോ​ട​തി അ​ഡീ​ഷ​ന​ൽ സെ​ഷ​ൻ​സ് ജ​ഡ്ജി ര​വി കു​മാ​ർ ദി​വാ​ക​ർ പ​രാ​തി ന​ൽ​കി. ജ​ഡ്ജി​യു​ടെ പ​രാ​തി ല​ഭി​ച്ച​താ​യി ബ​റേ​ലി സീ​നി​യ​ർ പൊ​ലീ​സ് സൂ​​പ്ര​ണ്ട് ഗു​ലെ സു​ശീ​ൽ ച​ന്ദ്ര​ഭ​ൻ പ​റ​ഞ്ഞു.

അ​ജ്ഞാ​ത ന​മ്പ​റു​ക​ളി​ൽ​നി​ന്ന് ല​ഭി​ക്കു​ന്ന കാ​ളു​ക​ൾ ആ​ശ​ങ്ക​യു​ണ്ടാ​ക്കു​ന്ന സാ​ഹ​ച​ര്യ​ത്തി​ലാ​ണ് പ​രാ​തി ന​ൽ​കു​ന്ന​തെ​ന്ന് പൊ​ലീ​സി​ന​യ​ച്ച ക​ത്തി​ൽ ദി​വാ​ക​ർ പ​റ​ഞ്ഞു. ഏ​പ്രി​ൽ 15ന് ​രാ​ത്രി 9.45നാ​ണ് ആ​ദ്യം കാ​ൾ വ​ന്ന​ത്. എ​ന്നാ​ൽ, ഇ​ദ്ദേ​ഹം കാ​ൾ എ​ടു​ത്തി​ല്ല. ഇ​തി​നു​ശേ​ഷം തു​ട​ർ​ച്ച​യാ​യി കാ​ൾ വ​രു​ന്നു​ണ്ടെ​ന്നും ഒ​ന്നും എ​ടു​ത്തി​ല്ലെ​ന്നും ജ​ഡ്ജി പ​രാ​തി​യി​ൽ പ​റ​ഞ്ഞു. സം​ഭ​വ​ത്തെ​ക്കു​റി​ച്ച് അ​ന്വേ​ഷി​ക്കാ​ൻ സൈ​ബ​ർ സെ​ല്ലി​നും പൊ​ലീ​സി​നും നി​ർ​ദേ​ശം ന​ൽ​കി​യി​ട്ടു​ണ്ട്.