Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightബലാത്സംഗക്കൊലക്കെതിരെ ...

ബലാത്സംഗക്കൊലക്കെതിരെ പ്രതിഷേധം; ഡൽഹിയിൽ മാധ്യമ​പ്രവർത്തകന്​ പൊലീസ്​ മർദ്ദനം

text_fields
bookmark_border
ബലാത്സംഗക്കൊലക്കെതിരെ പ്രതിഷേധം; ഡൽഹിയിൽ മാധ്യമ​പ്രവർത്തകന്​ പൊലീസ്​ മർദ്ദനം
cancel

ന്യൂഡൽഹി: ഡൽഹിയിൽ 14കാരിയെ ബലാത്സംഗം ചെയ്​ത്​ ​കൊലപ്പെടുത്തിയ സംഭവത്തിൽ പ്രതിഷേധവുമായി ബന്ധുക്കളും വിദ്യാർഥികളും. വെള്ളിയാഴ്​ച 40ഒാളം പേർ ​മോഡൽ ടൗൺ ​പൊലീസ്​ സ്​റ്റേഷനിൽ പ്രതിഷേധവുമായി എത്തി. പ്രതിഷേധം റിപ്പോർട്ട്​ ചെയ്യാനെത്തിയ മാധ്യമപ്രവർത്തക​നെ പൊലീസ്​ മർദ്ദിക്കുകയും ചെയ്​തു.

ദ കാരവൻ മാഗസിൻ റിപ്പോർട്ടർ അഹാൻ ജോഷ്വ പെങ്കർ (24) നാണ്​ മർദനം ഏറ്റത്​. വെള്ളിയാഴ്​ച ഉച്ചക്ക്​ 3.15ഒാടെ പ്രതിഷേധം റിപ്പോർട്ട്​ ​ചെയ്യാ​െനത്തിയ അഹാനെ പൊലീസ്​ കസ്​റ്റഡിയിൽ എടുക്കുകയും പിന്നീട്​ എ.സി.പി അജയ്കുമാറി​െൻറ നേതൃത്വത്തിൽ മർദ്ദിക്കുകയുമായിരുന്നു. 22 കാരനായ ഡൽഹി സർവകലാശാല വിദ്യാർഥി രവീന്ദർ സിങ്ങിനെ മർദ്ദിക്കുകയും തലപ്പാവ്​ അഴിച്ചുമാറ്റിയെന്നും പറയുന്നു. ഡൽഹി സർവകലാശാലയിലെ മറ്റൊരു വിദ്യാർഥിയായ രാജ്​വീർ കൗറിന്​ നേർക്കും പൊലീസ്​ ആക്രമണമുണ്ടായി. റിപ്പോർട്ടർ ഉൾപ്പെടെ 10ഒാളം പേരെ പൊലീസ്​ കസ്​റ്റഡിയിൽ എടുത്തിട്ടുണ്ട്​. മാധ്യമപ്രവർത്തകൻ ആണെന്ന്​ പറഞ്ഞിട്ടും പൊലീസ്​ വീണ്ടും മർദ്ദിക്കുകയായിരുന്നുവെന്നും അഹാൻ പറഞ്ഞു.

പൊലീസ്​ മർദ്ദനത്തെ തുടർന്ന്​ അഹാൻ കമീഷനർ എസ്​.എൻ. ശ്രീവാസ്​തവക്ക്​ പരാതി നൽകി. ആദ്യം മുഖത്ത്​ അടിച്ചെന്നും നിലത്തുവീണപ്പോൾ തോളിലേക്ക്​ തൊഴിച്ചതായും കണങ്കാലിൽ ചവിട്ടിയതായും പരാതിയിൽ പറയുന്നു. കസ്​റ്റഡിയിലെടുത്ത ഒരാളെ ക്രൂരമായി എ.സി.പി മർദ്ദിക്കുന്നത്​ കണ്ടെന്നും പരാതിയിൽ പറയുന്നു.

അഹാനി​െൻറ മൂക്കിലും കഴുത്തിലും പുറത്തും മർദ്ദനമേറ്റതി​െൻറ പാടുകളുണ്ട്​. പരാതിയിൽ എഫ്​.ഐ.ആർ രജിസ്​റ്റർ ചെയ്​തു. അതേസമയം തനിക്കെതി​രായ ആരോപണങ്ങൾ എ.സി.പി നിഷേധിച്ചു. ആരെയും മർദ്ദിച്ചി​ട്ടില്ലെന്നും ചിലരെ കസ്​റ്റഡിയി​ൽ എടുക്കുക മാത്രം ചെയ്​തുവെന്നുമാണ്​ പൊലീസി​െൻറ വാദം.

ഒക്​ടോബറിലാണ്​ പെൺകുട്ടിക്ക്​ നേരെ ആക്രമണം നടന്നത്​. വീട്ടുജോലിക്കുനിന്ന പെൺകുട്ടിയെ ക്രൂരമായി ബലാത്സംഗം ചെയ്​ത്​ കൊലപ്പെടുത്തുകയായിരുന്നു. പെൺകുട്ടിയെ തൊഴിലുടമ ബലാത്സംഗം ചെയ്​ത്​ കൊലപ്പെടുത്തിയതായി ബന്ധുക്കൾ പറഞ്ഞു. എന്നാൽ പൊലീസ്​ പെൺകുട്ടിയുടെ മരണം ആത്മഹത്യയാണെന്നാണ്​ പൊലീസ്​ പറയുന്നത്​. ആത്മഹത്യയെന്ന്​ ചൂണ്ടിക്കാട്ടി ഇൻക്വസ്​റ്റ്​ നടപടികൾ തുടങ്ങുകയും ചെയ്​തു. ഇതേ തുടർന്നാണ്​ പെൺകുട്ടിയുടെ കുടുംബവും വിദ്യാർഥികളും പ്രതിഷേധവുമായി രംഗത്തെത്തുകയായിരുന്നു.

Show Full Article
TAGS:Journalist Delhi Police Rape Protest 
News Summary - Journalist, Two others allege assault by policeman
Next Story