'ദ കേരള സ്റ്റോറി' നിരോധിക്കണമെന്നാവശ്യപ്പെട്ട് മദ്രാസ് ഹൈകോടതിയിൽ ഹരജി

ചെന്നൈ: വിദ്വേഷ അജണ്ടയുമായെത്തുന്ന വിവാദ ചിത്രം 'ദ കേരള സ്റ്റോറി'യുടെ റിലീസ് തടയണമെന്നാവശ്യപ്പെട്ട് മദ്രാസ് ഹൈകോടതിയിൽ ഹരജി. ചെന്നൈയിലെ മാധ്യമപ്രവർത്തകനായ ബി.ആർ. അരവിന്ദാക്ഷനാണ് ഹരജി നൽകിയത്.

കേരളത്തെ തീവ്രവാദത്തെ പിന്തുണക്കുന്ന സംസ്ഥാനമായി ചിത്രീകരിക്കാനുള്ള ശ്രമത്തിന്‍റെ ഭാഗമാണ് സിനിമയെന്ന് ഹരജിയിൽ ചൂണ്ടിക്കാട്ടുന്നു. സിനിമ പ്രദർശിപ്പിക്കാൻ അനുവാദം നൽകിയാൽ രാജ്യത്തിനാകെ അപമാനമാകുമെന്നും തീവ്രവാദികളെ ഉൽപ്പാദിപ്പിക്കുന്ന രാജ്യമാണ് ഇന്ത്യയെന്ന തോന്നലുണ്ടാക്കുമെന്നും ഹരജിയിൽ പറഞ്ഞു.

ഒരു പ്രത്യേക സമുദായത്തിനെതിരെ ജനത്തെ തിരിക്കുന്നതാണ് സിനിമ. അടിസ്ഥാനമില്ലാത്ത കണക്കുകളും തെറ്റായ സംഭവങ്ങളുമാണ് സിനിമയിൽ അവതരിപ്പിക്കുന്നതെന്ന് ടീസറിൽ കാണാനാവും. സെൻട്രൽ ബോർഡ് ഓഫ് ഫിലിം സർട്ടിഫിക്കേഷൻ, കേന്ദ്ര ബ്രോഡ്കാസ്റ്റിംഗ് മന്ത്രാലയം, തമിഴ്നാട് ചീഫ് സെക്രട്ടറി എന്നിവക്ക് ഇതുസംബന്ധിച്ച് താൻ പരാതി നൽകിയിട്ടും പരിഗണിച്ചില്ലെന്ന് ഹരജിക്കാരൻ പറയുന്നു.

കേരള സ്റ്റോറി പ്രദർശനം തടയണമെന്ന ആവശ്യം നേരത്തെ സുപ്രീംകോടതി പരിഗണിച്ചിരുന്നില്ല. ഹ​ര​ജി​ക​ൾ കേ​ര​ള ഹൈ​കോ​ട​തി​ക്ക് നേ​ര​ത്തേ കേ​ൾ​ക്കാ​മെ​ന്ന് ചീ​ഫ് ജ​സ്റ്റി​സ് ഡി.​വൈ. ച​ന്ദ്ര​ചൂ​ഡ് അ​ധ്യ​ക്ഷ​നാ​യ സു​പ്രീം​കോ​ട​തി ബെ​ഞ്ച് ഇന്നലെ ഉ​ത്ത​ര​വി​ട്ടിരുന്നു.

പ്ര​ദ​ർ​ശ​നം പൂ​ർ​ണ​മാ​യും വി​ല​ക്ക​ണ​മെ​ന്ന് ആ​വ​ശ്യ​പ്പെ​ട്ട ജം​ഇ​യ്യ​ത്തു​ൽ ഉ​ല​മാ​യെ ഹി​ന്ദി​നോ​ടും, സി​നി​മ പൂ​ർ​ണ​മാ​യും ക​ഥ​യാ​ണെ​ന്നും യാ​ഥാ​ർ​ഥ്യ​മ​ല്ലെ​ന്നും എ​ഴു​തി​ക്കാ​ണി​ച്ച് പ്ര​ദ​ർ​ശി​പ്പി​ച്ചാ​ൽ മ​തി​യെ​ന്ന് ആ​വ​ശ്യ​പ്പെ​ട്ട അ​ഡ്വ. വൃ​ന്ദാ ഗ്രോ​വ​റി​നോ​ടു​മാ​ണ് കേ​ര​ള ഹൈ​കോ​ട​തി​യെ സ​മീ​പി​ക്കാ​ൻ പ​റ​ഞ്ഞ​ത്. മേ​യ് അ​ഞ്ചി​ന് റി​ലീ​സ് ചെ​യ്യു​ന്ന​തി​നാ​ൽ ഹ​ര​ജി സു​പ്രീം​കോ​ട​തി വ്യാ​ഴാ​ഴ്ച അ​ടി​യ​ന്ത​ര​മാ​യി പ​രി​ഗ​ണി​ക്ക​ണ​മെ​ന്നാ​ണ് അ​ഡ്വ. വൃ​ന്ദാ ഗ്രോ​വ​റും ജം​ഇ​യ്യ​ത്തി​ന് ​വേ​ണ്ടി അ​ഡ്വ. നി​സാം പാ​ഷ​യും ആ​വ​ശ്യ​പ്പെ​ട്ട​ത്. കേ​ര​ള ഹൈ​കോ​ട​തി അ​ടി​യ​ന്ത​ര​മാ​യി ഹ​ര​ജി പ​രി​ഗ​ണി​ക്കു​ന്നി​ല്ലെ​ന്ന് വൃ​ന്ദാ ഗ്രോ​വ​ർ ചൂ​ണ്ടി​ക്കാ​ട്ടി​യ​പ്പോ​ൾ ഹ​ര​ജി​ക്കാ​ർ​ക്ക് ഇ​ക്കാ​ര്യം ഹൈ​കോ​ട​തി​യോ​ട് ആ​വ​ശ്യ​പ്പെ​ടാ​മെ​ന്ന് ചീ​ഫ് ജ​സ്റ്റി​സ് മ​റു​പ​ടി ന​ൽ​കുകയായിരുന്നു.

കേ​ര​ള​ത്തി​ൽ നി​ന്ന് 32,000 സ്ത്രീ​ക​ൾ ഐ​എ​സി​ൽ ചേ​രാ​ൻ പോ​യെ​ന്ന വ്യാ​ജ പ്ര​ചാ​ര​ണ​വു​മാ​യി നി​ർ​മി​ച്ച ‘ദ ​കേ​ര​ള സ്റ്റോ​റി’ സി​നി​മ വി​വാ​ദ​മാ​യ​തോ​ടെ 32,000 എ​ന്ന​ത് മൂ​ന്ന് സ്ത്രീ​ക​ൾ എ​ന്നാ​ക്കി തി​രു​ത്തു​ക​യും ചി​ല പ്ര​ധാ​ന രം​ഗ​ങ്ങ​ൾ​ക്ക് സെ​ൻ​സ​ർ ബോ​ർ​ഡ് ക​ത്രി​ക വെ​ക്കു​ക​യും ചെ​യ്തി​രു​ന്നു.