Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightഅക്രമ ദൃശ്യം പകർത്തിയ...

അക്രമ ദൃശ്യം പകർത്തിയ മാധ്യമപ്രവർത്തകനെ വെടിവച്ച്​ കൊന്നതോ? ലഖിംപുർ ഖേരി കൂട്ടക്കൊലയിൽ പുതിയ വെളിപ്പെടുത്തൽ

text_fields
bookmark_border
അക്രമ ദൃശ്യം പകർത്തിയ മാധ്യമപ്രവർത്തകനെ വെടിവച്ച്​ കൊന്നതോ? ലഖിംപുർ ഖേരി കൂട്ടക്കൊലയിൽ പുതിയ വെളിപ്പെടുത്തൽ
cancel

യു.പിയിലെ ലഖിംപുർ ഖേരിയിൽ കൊല്ലപ്പെട്ട മാധ്യമപ്രവർത്തക​ൻ രമൺ കശ്യപി​െൻറ മരണത്തിൽ ദുരൂഹത വർധിപ്പിച്ച്​ പുതിയ വെളിപ്പെടുത്തലുകൾ. ബി.ജെ.പി നേതാക്കളുടെ കർഷക കൂട്ടക്കൊലയുടെ വീഡിയോ പകർത്തിയ മാധ്യമപ്രവർത്തകനെ വെടിവച്ച്​ കൊല്ലുകയായിരുന്നെന്നാണ്​ അവർ ഉന്നയിക്കുന്ന വാദം. കേന്ദ്രമന്ത്രിയുടെ വാഹനവ്യൂഹത്തി​െൻറ വീഡിയോ ചിത്രീകരിക്കുകയായിരുന്നു രമൺ കശ്യപ്​. ഇതിനിടയിലാണ് കർഷർക്കുനേരെ പാഞ്ഞടുക്കുന്ന മന്ത്രിയുടെ മക​െൻറ വാഹനത്തി​േൻറയും മറ്റും വീഡിയോ ഫുട്ടേജുകൾ കശ്യപിന് ലഭിച്ചത്.​

കേന്ദ്രമന്ത്രിയുടെ മകൻ ആഷിശ്​ മിശ്ര കർഷകർക്കുനേരെ വെടിയുതിർക്കുന്നതി​േൻറയും ചിത്രങ്ങൾ കശ്യപ് എടുത്തിരുന്നതായും ഇക്കൂട്ടർ പറയുന്നു. രമൺ കശ്യപ് വീഡിയോ ചിത്രീകരണം നടത്തുന്നതു കണ്ട ബിജെപി ഗുണ്ടകൾ അദ്ദേഹത്തിന് നേരെ വെടിയുതിർക്കുകയായിരുന്നെന്നും ഇവർ പറയുന്നു. എന്നാൽ ഇതി​െൻറ കൃത്യമായ തെളിവുകൾ ഇതുവരെ പുറത്തുവന്നിട്ടില്ല.

അതേസമയം രമൺ കശ്യപി​െൻറ മരണത്തിൽ ദുരൂഹതയുണ്ടാക്കാൻ ചിലർ ശ്രമിക്കുന്നെന്ന ആരോപണവുമായി ബന്ധുക്കൾ രംഗത്തുവന്നു​. രമണി​െൻറ സേഹാദരൻ പവൻ കശ്യപാണ്​ ആരോപണം ഉന്നയിച്ചത്​. തന്നെ കാണാൻ വന്ന ഒരു ദേശീയ മാധ്യമത്തി​െൻറ റിപ്പോർട്ടർ സഹോദര​െൻറ മരണത്തെക്കുറിച്ച്​ തന്നോട്​ തർക്കിച്ചെന്ന് പവൻ പറയുന്നു. ചില മാധ്യമപ്രവർത്തകർ അവരുടെ വാക്കുകൾ ഞങ്ങളെക്കൊണ്ട്​ പറയിക്കാൻ ശ്രമിക്കുന്നുണ്ട്​. കർഷകർ അവനെ വടികൾ കൊണ്ട് അടിച്ചെന്നും അങ്ങിനെയാണ്​ മരിച്ചതെന്നുമാണ്​ അത്തരക്കാർ പറയുന്നത്​. എന്നാൽ അങ്ങനെയല്ലെന്ന് ഞങ്ങൾക്ക്​ നന്നായി അറിയാം. ന്യൂസ്​ ലോൻഡ്രിക്​ നൽകിയ അഭിമുഖത്തിൽ പവൻ പറഞ്ഞു.


കർഷകരും ബി.ജെ.പിക്കാരും തമ്മിലുള്ള സംഘർഷത്തിലാണ്​ സഹോദരൻ കൊല്ലപ്പെട്ടതെന്നാണ്​ ചില മീഡിയകൾ പറയാൻ ശ്രമിക്കുന്നത്​. ദേശീയ ചാനലായ ആജ്​തക്കി​െൻറ റിപ്പോർട്ടറാണ്​ ഇതിന്​ ശ്രമിച്ചതെന്നും പവൻ പറഞ്ഞു. 'മാധ്യമങ്ങളും രാഷ്ട്രീയം കളിക്കുകയാണെ'ന്നാണ്​ പവൻ കശ്യപ്​ പറയുന്നത്​. മകനെ മർദ്ദിച്ചു കൊലപ്പെടുത്തിയതായുള്ള മാധ്യമവാർത്തകൾ രമ​െൻറ പിതാവും തള്ളിക്കളഞ്ഞിരുന്നു. കാർ ഇടിക്കുകയും കുറച്ചുദൂരം വലിച്ചിഴക്കുകയും ചെയ്​തതായും പിതാവ് പറയുന്നു. ഇതി​െൻറ തെളിവായി കശ്യപി​െൻറ ശരീരത്തിൽ അടയാളങ്ങൾ ഉണ്ടായിരുന്നെന്നും ഞാനത്​ കണ്ടെന്നും ഇദ്ദേഹം കൂട്ടിച്ചേർത്തു. അക്രമ സംഭവത്തിനുശേഷം​ മണിക്കൂറുകൾ കഴിഞ്ഞാണ്​ ശേഷമാണ്​ രമന്‍റെ മൃതദേഹം കണ്ടുകിട്ടിയത്​. സംഭവ സമയത്ത്​ മകനെ കാണാനില്ലായിരുന്നുവെന്നും പിതാവ്​ രാം ധുലാരി പറയുന്നു.

Show Full Article
TAGS:journalist killed Lakhimpur 
News Summary - journalist killed in Lakhimpur violence accuses Ashish Mishra and bjp goons
Next Story