ഗൗരി ലങ്കേഷ് വധം: പ്രതികളെ തിരിച്ചറിഞ്ഞുവെന്ന് കർണാടക സർക്കാർ

ബംഗളൂരു: ഗൗരി ലങ്കേഷ് വധത്തിന് പിന്നിലെ പ്രതികളെ തിരിച്ചറിഞ്ഞതായും ഇവർക്കെതിരായി കൂടുതൽ തെളിവുകൾ ശേഖരിക്കുകയാണെന്നും കർണാടക സർക്കാർ. ആഭ്യന്തരമന്ത്രി രാമലിംഗ റെഡ്ഢി എൻ.ഡി.ടിവിയോടാണ് ഇക്കാര്യം പറഞ്ഞത്. അന്വേഷണത്തെ കുറിച്ചുള്ള കൂടുതൽ വിവരങ്ങൾ പറയാനാവില്ലെന്നും അദ്ദേഹം പ്രതികരിച്ചു. 

സെപ്​തംബർ അഞ്ചിന് രാത്രി 8.05നാണ്​ ഗൗരി വെടിയേറ്റ്​ മരിച്ചത്. ഗൗരി വെടിയേറ്റു മരിക്കും മുമ്പ് രണ്ടു തവണ ഘാതകന്‍ അവരുടെ വീട്ടുപരിസരത്ത് നിരീക്ഷണം നടത്തിയിരുന്നു. ഉച്ചതിരിഞ്ഞ് മൂന്നിനും വൈകിട്ട്​ ഏഴിനും നടത്തിയ ഈ സന്ദര്‍ശനങ്ങളുടെ ദ്യശ്യങ്ങൾ അന്വേഷണ സംഘത്തിന് ലഭിച്ചിരുന്നു.