യു.പിയിൽ മാധ്യമപ്രവർത്തകനെ പൊലീസ്​ പിടികൂടി; ഒടുവിൽ ക്ഷമാപണം

ലഖ്​നോ: ഉത്തർപ്രദേശിലെ ലഖ്​നോവിൽ മാധ്യമ പ്രവർത്തകനെയും സുഹൃത്തിനേയും പൊലീസ്​ കസ്​റ്റഡിയിലെടുത്തു. ‘ഹിന്ദു’വിലെ മാധ്യമപ്രവർത്തകനായ ഉമർ റഷീദിനെയാണ് കലാപകാരിയെന്ന്​ ആരോപിച്ച്​​ കസ്​റ്റഡിയിലെടുത്തത്​.

പൗരത്വ ഭേദഗതി നിയമത്തിനെതിരെ നടക്കുന്ന പ്രതിഷേധ സമരത്തി​​െൻറ പശ്ചാത്തലത്തിലായിരുന്നു ഇവരെ കസ്റ്റഡിയിലെടുത്തത്​. ത​​െൻറ സുഹൃത്ത്​ റോബിൻ വർമയെയും കസ്​റ്റഡിയിലെടുത്തതായും ഹസ്രദ്​ഗഞ്ച്​ പൊലീസ്​ സ്​റ്റേഷനിലെത്തിച്ച്​ പൊലീസുകാർ ബെൽറ്റ്​കൊണ്ട്​ അടിച്ചതായും ഉമർ റാഷിദ്​ പറഞ്ഞു.

‘‘ഞാൻ ഒരു മാധ്യമപ്രവർത്തകനാണെന്ന്​ അവരോട്​ പറഞ്ഞിരുന്നു. എ​​െൻറ തിരിച്ചറിയൽ കാർഡ്​ കാണിച്ചു. എന്തിനാണ്​ എന്നെ പിടികൂടുന്നതെന്ന്​ ചോദിച്ചു. അവർ എ​​െൻറ ​ഫോൺ പിടിച്ചെടുക്കുകയും അധിക്ഷേപിക്കുകയും ചെയ്​തു. ’’ -ഉമർ റാഷിദ്​ പറഞ്ഞതായി പി.ടി.ഐ റിപ്പോർട്ട്​ ചെയ്​തു.

താനാണ് പൗരത്വ ഭേദഗതി നിയമത്തിനെതിരെ​ വ്യാഴാഴ്​ച നടന്ന പ്രതിഷേധ സമരം സംഘടിപ്പിച്ചതെന്നും തനിക്കെതിരെ ഗൂഢാലോചനക്ക്​ കേസെട​ുക്കുമെന്നാണ്​ പൊലീസ്​ ആരോപിക്ക​ുന്നതെന്നും അദ്ദേഹം അഭിപ്രായപ്പെട്ടു.

അൽപസമയത്തിനു ശേഷം തങ്ങളെ സുൽത്താൻപുരി പൊലീസ്​ സ്​റ്റേഷനിലെത്തിക്കുകയും ഉത്തർപ്രദേശ്​ ഡി.ജി.പി ഒ.പി സിങ് ഇടപെട്ടതിനു ശേഷം വിട്ടയക്കുകയുമായിരുന്നു. പിന്നീട്​ തെറ്റിദ്ധരിച്ച്​ കസ്റ്റഡിയിലെടുത്തതിന്​ ഹസ്രദ്​ഗഞ്ച്​ സർക്കിൾ ഓഫീസർ അഭയ്​ കുമാർ നേരിൽ കണ്ട്​ ക്ഷമാപണം നടത്തി.
തെറ്റിദ്ധാരണയുടെ പേരിലാണ്​ കസ്​റ്റഡിയിലെടുക്കേണ്ടി വന്നതെന്ന്​ വ്യക്തമാക്കികൊണ്ട്​ തന്നെ അധി​​ക്ഷേപിച്ച പൊലീസുകാർ ക്ഷമാപണം നടത്തിയെന്നും ഉമർ റാഷിദ്​ പറഞ്ഞു.

അതേസമയം, മാധ്യമപ്രവർത്തകനെ കസ്​റ്റഡിയിലെടുത്തെന്ന​ ആരോപണം ഹസ്രദ്​ഗഞ്ച്​ പൊലീസ്​ അധികൃതർ നിഷേധിച്ചു.