ജോഷിമഠ്: മുന്നറിയിപ്പുകൾ സർക്കാർ അവഗണിച്ചെന്ന് പരിസ്ഥിതി പ്രവർത്തകർ

ഗോ​പേ​ശ്വ​ർ: വി​ദ​ഗ്ധ​ർ നി​ര​വ​ധി ത​വ​ണ ന​ൽ​കി​യ മു​ന്ന​റി​യി​പ്പു​ക​ൾ സ​ർ​ക്കാ​റു​ക​ൾ അ​വ​ഗ​ണി​ച്ച​താ​ണ് ജോ​ഷി​മ​ഠി​ലും സ​മീ​പ പ്ര​ദേ​ശ​ങ്ങ​ളി​ലും ഭൂ​മി ത​ക​ർ​ച്ച​മൂ​ല​മു​ണ്ടാ​യ പ്ര​തി​സ​ന്ധി രൂ​ക്ഷ​മാ​ക്കി​യ​തെ​ന്ന് പ​രി​സ്ഥി​തി പ്ര​വ​ർ​ത്ത​ക​ർ. ഈ ​റി​പ്പോ​ർ​ട്ടു​ക​ളെ സ​ർ​ക്കാ​ർ സം​വി​ധാ​ന​ങ്ങ​ൾ ഗൗ​ര​വ​മാ​യി പ​രി​ഗ​ണി​ച്ചി​രു​ന്നെ​ങ്കി​ൽ പ്ര​ശ്നം ഇ​ത്ര ഗു​രു​ത​ര​മാ​കി​ല്ലാ​യി​രു​ന്നെ​ന്ന് പ​രി​സ്ഥി​തി പ്ര​വ​ർ​ത്ത​ക​നാ​യ ച​ണ്ഡി പ്ര​സാ​ദ് ഭ​ട്ട് ചൂ​ണ്ടി​ക്കാ​ട്ടി.

എ​ന്നാ​ൽ, ഈ ​ഗു​രു​ത​ര സാ​ഹ​ച​ര്യ​ത്തി​ലും ഉ​പ​ഗ്ര​ഹ ചി​ത്ര​ങ്ങ​ളു​ടെ സ​ഹാ​യ​ത്തോ​ടെ മ​റ്റൊ​രു ശാ​സ്ത്രീ​യ പ​ഠ​ന​ത്തി​ന് സം​സ്ഥാ​ന സ​ർ​ക്കാ​ർ ശ്ര​മി​ക്കു​ക​യാ​ണെ​ന്ന് ചി​പ്‌​കോ പ്ര​സ്ഥാ​ന​വു​മാ​യി ബ​ന്ധ​​പ്പെ​ട്ട് പ്ര​വ​ർ​ത്തി​ക്കു​ന്ന ഭ​ട്ട് പ​റ​ഞ്ഞു. ഉ​ത്ത​രാ​ഖ​ണ്ഡി​ലെ​യും ഹി​മാ​ച​ൽ പ്ര​ദേ​ശി​ലെ​യും ഹി​മാ​ല​യ​ത്തി​ന്റെ വി​ശ​ദ​മാ​യ മാ​പ്പി​ങ് അ​ട​ക്കം ജോ​ഷി​മ​ഠി​ൽ പ​തി​യി​രി​ക്കു​ന്ന അ​പ​ക​ട​ങ്ങ​ളെ​ക്കു​റി​ച്ച് ര​ണ്ടു പ​തി​റ്റാ​ണ്ടു മു​മ്പ് സം​സ്ഥാ​ന സ​ർ​ക്കാ​റി​ന് റി​പ്പോ​ർ​ട്ട് സ​മ​ർ​പ്പി​ച്ചി​രു​ന്നു.

നാ​ഷ​ന​ൽ റി​മോ​ട്ട് സെ​ൻ​സി​ങ് ഏ​ജ​ൻ​സി (എ​ൻ.​ആ​ർ.​എ​സ്.​എ) ഉ​ൾ​പ്പെ​ടെ രാ​ജ്യ​ത്തെ പ​ന്ത്ര​ണ്ടോ​ളം പ്ര​മു​ഖ ശാ​സ്ത്ര സം​ഘ​ട​ന​ക​ൾ റി​മോ​ട്ട് സെ​ൻ​സി​ങ് ആ​ൻ​ഡ് ജി​യോ​ഗ്രാ​ഫി​ക് ഇ​ൻ​ഫ​ർ​മേ​ഷ​ൻ സി​സ്റ്റം (ജി.​ഐ.​എ​സ്) ഉ​പ​യോ​ഗി​ച്ച് ന​ട​ത്തി​യ പ​ഠ​ന​ത്തി​ന്റെ റി​പ്പോ​ർ​ട്ട് 2001ൽ​ത​ന്നെ സം​സ്ഥാ​ന സ​ർ​ക്കാ​റി​ന് സ​മ​ർ​പ്പി​ച്ചി​രു​ന്നു.

ജോ​ഷി​മ​ഠ് അ​ട​ക്കം ചാ​ർ ധാം, ​മാ​ന​സ​രോ​വ​ർ യാ​ത്രാ​റൂ​ട്ടു​ക​ൾ അ​ട​ങ്ങു​ന്ന പ്ര​ദേ​ശ​ത്തി​ന്റെ മാ​പ്പി​ങ് ഡ​റാ​ഡൂ​ൺ, തെ​ഹ്‌​രി, ഉ​ത്ത​ര​കാ​ശി, പൗ​രി, രു​ദ്ര​പ്ര​യാ​ഗ്, പി​ത്തോ​രാ​ഗ​ഡ്, നൈ​നി​റ്റാ​ൾ, ച​മോ​ലി എ​ന്നീ ജി​ല്ല ഭ​ര​ണ​കൂ​ട​ങ്ങ​ൾ​ക്ക് സ​മ​ർ​പ്പി​ച്ചി​രു​ന്നു. ഈ ​മാ​പ്പി​ങ് റി​പ്പോ​ർ​ട്ടി​ൽ ജോ​ഷി​മ​ഠി​ന്റെ 124.54 ച​തു​ര​ശ്ര കി​ലോ​മീ​റ്റ​ർ പ്ര​ദേ​ശ​ത്ത് മ​ണ്ണി​ടി​ച്ചി​ലി​നു​ള്ള സാ​ധ്യ​ത ചൂ​ണ്ടി​ക്കാ​ണി​ച്ചി​രു​ന്നെ​ന്നും ഭ​ട്ട് പ​റ​ഞ്ഞു.

ജോ​ഷി​മ​ഠി​ലെ പ്ര​തി​സ​ന്ധി ദേ​ശീ​യ ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്നാ​വ​ശ്യ​പ്പെ​ട്ട് സ​മ​ർ​പ്പി​ച്ച ഹ​ര​ജി ചൊ​വ്വാ​ഴ്ച സു​പ്രീം​കോ​ട​തി പ​രി​ഗ​ണി​ക്കും. സ്വാ​മി അ​വി​മു​ക്തേ​ശ്വ​രാ​ന​ന്ദ സ​ര​സ്വ​തി​യാ​ണ് സു​പ്രീം​കോ​ട​തി​യെ സ​മീ​പി​ച്ച​ത്.

വീ​ട് വിടാൻ മിക്കവർക്കും മടി

ഡ​റാ​ഡൂ​ൺ: അ​പ​ക​ടം തൂ​ങ്ങി​നി​ൽ​ക്കു​ന്ന ജോ​ഷി​മ​ഠി​ൽ വീ​ട് വി​ട്ടു​പോ​കാ​ൻ മി​ക്ക​വ​ർ​ക്കും മ​ടി. വീ​ടു​ക​ൾ അ​പ​ക​ട​ക​ര​മാ​യ അ​വ​സ്ഥ​യി​ലാ​യി​ട്ടും പ​ല​രും സു​ര​ക്ഷി​ത സ്ഥാ​ന​ങ്ങ​ളി​ലേ​ക്കു​മാ​റാ​ൻ വി​സ​മ്മ​തി​ക്കു​ന്ന കാ​ഴ്ച​യാ​ണ് ജോ​ഷി​മ​ഠി​ൽ. തി​ങ്ക​ളാ​ഴ്ച 68 വീ​ടു​ക​ളി​ൽ​കൂ​ടി വി​ള്ള​ലു​ണ്ടാ​യി. ഇ​തോ​ടെ വി​ള്ള​ലും ത​ക​ർ​ച്ച​യും ബാ​ധി​ച്ച വീ​ടു​ക​ളു​ടെ എ​ണ്ണം 678 ആ​യി. 27 ​കു​ടും​ബ​ങ്ങ​ളെ കൂ​ടി തി​ങ്ക​ളാ​ഴ്ച സു​ര​ക്ഷി​ത സ്ഥാ​ന​ങ്ങ​ളി​ലേ​ക്ക് മാ​റ്റി. ഇ​തോ​ടെ മാ​റ്റ​പ്പെ​ട്ട കു​ടും​ബ​ങ്ങ​ളു​ടെ എ​ണ്ണം 82 ആ​യി.

അ​പ​ക​ടാ​വ​സ്ഥ​യി​ലാ​യ 200ഓ​ളം വീ​ടു​ക​ൾ​ക്കു​ചു​റ്റും ജി​ല്ല ഭ​ര​ണ​കൂ​ടം ചു​വ​പ്പ് അ​ട​യാ​ള​ങ്ങ​ൾ രേ​ഖ​പ്പെ​ടു​ത്തി​യി​ട്ടു​ണ്ട്. ഈ ​വീ​ടു​ക​ളി​ലു​ള്ള​വ​രോ​ടൊ​ക്കെ താ​ൽ​ക്കാ​ലി​ക ദു​രി​താ​ശ്വാ​സ ക്യാ​മ്പു​ക​ളി​ലേ​ക്കോ വാ​ട​ക വീ​ടു​ക​ളി​ലേ​ക്കോ മാ​റാ​ൻ ജി​ല്ല ഭ​ര​ണ​കൂ​ടം ആ​വ​ശ്യ​പ്പെ​ട്ടു. ഇ​ങ്ങ​നെ മാ​റു​ന്ന​വ​ർ​ക്ക് അ​ടു​ത്ത ആ​റു​മാ​സ​ത്തേ​ക്ക് 4000 രൂ​പ വീ​തം സം​സ്ഥാ​ന സ​ർ​ക്കാ​ർ ന​ൽ​കും.