വിഷമദ്യ ദുരന്തത്തിന്​ പിന്നാലെ ജോധ്​പുർ പൊലീസ്​ പിടികൂടി​ നശിപ്പിച്ചത്​ 1200 ലിറ്റർ വ്യാജ മദ്യം

ജോധ്​പുർ: രാജസ്ഥാനിലെ ഭിൽവാര ജില്ലയിൽ വിഷമദ്യം കഴിച്ച്​ നാല്​ പേർ മരിച്ച സംഭവത്തിന്​ പിന്നാലെ ​പൊലീസ്​ പരിശോധന ശക്​തമാക്കിയിരിക്കുകയാണ്​. ജോധ്​പുർ പൊലീസ്​ ശനിയാഴ്​ച്ച നഗരത്തിലെ വിവിധ ഭാഗങ്ങളിൽ നടത്തിയ റെയ്​ഡിൽ പിടിച്ചെടുത്ത​ 1200 ലിറ്ററോളം നിയമ വിരുദ്ധ മദ്യമാണ് നശിപ്പിച്ചത്​​. വിഷമദ്യ ദുരന്തത്തിനെതിരെയുള്ള ക്യാ​െമ്പയിനി​െൻറ ഭാഗമായാണ്​ പൊലീസ്​ റെയ്​ഡ്​ സംഘടിപ്പിച്ചത്​.

'പ്രതാപ്​ നഗർ, ദേവ്​ നഗർ, രാജീവ്​ ഗാന്ധി പൊലീസ്​ സ്​റ്റേഷനുകൾ ചേർന്ന്​ നടത്തിയ പ്രചാരണത്തിൽ എക്​സൈസ്​ ഡിപ്പാർട്ട്​മെൻറും പ​െങ്കടുത്തിരുന്നു. 1200 ലിറ്റർ വ്യാജ മദ്യം അതിലൂടെ പിടിച്ചെടുക്കാൻ സാധിച്ചു' -എസ്​.പി നീരജ്​ ശർമ എ.എൻ.​െഎയോട്​ പ്രതികരിച്ചു. പിടികൂടിയ മദ്യം നശിപ്പിക്കുകയും പ്രതികളെ അറസ്റ്റ്​ ചെയ്യുകയും ചെയ്​തിട്ടുണ്ട്​. വിവിധ ഭാഗങ്ങളിൽ നിയമ വിരുദ്ധമായി പ്രവർത്തിക്കുന്ന മദ്യശാലകളും തകർത്തിട്ടുണ്ട്​. കേസിൽ പ്രതികളായ മറ്റുള്ളവരെ തിരിച്ചറിഞ്ഞിട്ടുണ്ടെന്നും ഉടൻ പിടികൂടുമെന്നും എക്​സൈസ്​ വകുപ്പും അറിയിച്ചു.

വ്യാഴാഴ്ച്ചയാണ് ഭിൽവാരയിലെ സരൺ കാകേണ്ഡ ഗ്രാമത്തിൽ വ്യാജമദ്യ ദുരന്തമുണ്ടായത്. പിന്നാലെ രണ്ട്​ എക്സൈസ്- പോലീസ് ഉദ്യോഗസ്ഥരെയാണ്​ മുഖ്യമന്ത്രി അശോക് ഗെഹ്​ലോട്ട്​ നേരിട്ടിടപെട്ട്​ സസ്‌പെൻഡ് ചെയ്തത്​. ദുരന്തത്തിൽ മരിച്ചവരുടെ കുടുംബത്തിന് രണ്ടു ലക്ഷം രൂപ ധനസഹായവും ആശുപത്രിയിൽ ചികിത്സയിൽ കഴിയുന്നവർക്ക് 50,000 രൂപ ചികിത്സാ സഹായവും അദ്ദേഹം പ്രഖ്യാപിച്ചിരുന്നു.