നജീബ്​ തിരോധാനം: സി.ബി.​െഎ എഫ്​.​െഎ.ആർ രജിസ്​റ്റർ ചെയ്​തു

ന്യൂഡൽഹി: ജെ.എൻ.യു വിദ്യാർഥി നജീബിനെ കാണാതായ സംഭവത്തിൽ ഡൽഹി ഹൈകോടതി ഇടപെടലിനെ തുടർന്ന്​ അന്വേഷണം തുടങ്ങിയ സി.ബി.​െഎ പ്രഥമ വിവര റിപ്പോർട്ട്​ രജിസ്​റ്റർ ചെയ്​തു. മാസങ്ങളോളം ഡൽഹി ​പൊലീസ്​ അന്വേഷിച്ചിട്ടും പരാജയമായതിനെ തുടർന്ന്​ മാതാവ്​ ഫാത്തിമ നഫീസ്​ ഡൽഹി ​ഹൈകോടതിയെ സമീപിച്ചതോടെയാണ്​​ ​അന്വേഷണം സി.ബി.​െഎക്കു കൈമാറിയത്​.

എം.എസ്​സി ബയോടെക്​നോളജി വിദ്യാർഥിയായിരുന്ന നജീബിനെ ഒക്​ടോബർ 15നാണ്​ കാണാതായത്​. ഹോസ്​റ്റലിൽ അന്നു രാത്രി എ.ബി.വി.പി പ്രവർത്തകരുമായി സംഘട്ടനമുണ്ടായിരുന്നതായി പരാതിയുണ്ടായിരുന്നു.