കശ്​മീരിൽ തീവ്രവാദികളുടെ ആക്രമണത്തിൽ പൊലീസുകാരൻ കൊല്ലപ്പെട്ടു

ന്യൂഡൽഹി: കശ്​മീരിൽ തീവ്രവാദികളുടെ ആക്രമണത്തിൽ പൊലീസുകാരൻ കൊല്ലപ്പെട്ടു. കുൽഗാം ജില്ലയിലെ പൊലീസ്​ കോൺസ്​റ്റബിൾ ഷാബിർ അഹമ്മദാണ്​ കൊല്ലപ്പെട്ടത്​. കശ്​മീരിലെ സെപ്​ഷ്യൽ ഒാപ്പറേഷൻ ഗ്രൂപ്പിലെ അംഗമായ അഹമ്മദ്​ ഇപ്പോൾ അവധിയിലായിരുന്നു​. 

ബുധനാഴ്​ച ലശ്​കർ ഇ ​തൊയ്യിബ കശ്​മീരിൽ പ്രവർത്തിക്കുന്ന പൊലീസുകാരോട്​ സ്ഥാനം രാജിവെച്ച്​ തങ്ങളോടൊപ്പം ചേരാൻ ആവശ്യപ്പെട്ടിരുന്നു. ഇതിന്​ പിന്നാലെയാണ്​ പൊലീസ്​ കോൺസ്​റ്റബിൾ കൊല്ലപ്പെട്ടതെന്നതും ശ്ര​ദ്ധേയമാണ്​. ആക്രമണത്തിൽ പരിക്കേറ്റ കോൺസ്​റ്റബിളിനെ ശ്രീനഗറിലെ ആശുപത്രിയിൽ പ്രവേശിപ്പിച്ചുവെങ്കിലും മരണം സംഭവിക്കുകയായിരുന്നു.