അതിർത്തിയിൽ വീണ്ടും പാകിസ്​താ​െൻറ വെടിനിർത്തൽ കരാർ ലംഘനം

ശ്രീനഗർ: ജമ്മു കശ്​മീരിൽ പാകിസ്​താൻ വീണ്ടും വെടിനിർത്തൽ കരാർ ലംഘിച്ചു. ഞായറാഴ്​ച രാവിലെ 6:45ന്​ രജൗരി സെക്​ടറിലെ ചിത്തി ബാക്​റി എരിയയിലാണ്​ വെടിനിർത്തൽ കരാർ ലംഘനമുണ്ടായത്​. 82 എം.എം, 120 എം.എം മോർട്ടാറുകളും ഷെല്ലുകളും ഉപയോഗിച്ചായിരുന്നു പാക്​ ആക്രമണം.

അതേസമയം, പാകിസ്​താ​​​​​െൻറ പ്രകോപനത്തിനെതിരെ ശക്​തമായി ഇന്ത്യ തിരിച്ചടിക്കുന്നുണ്ടെന്നാണ്​ റി​പ്പോർട്ടുകൾ. രജൗരി ഗാർഡിനിൽ ഇന്നലെ പാക്​സ്​താൻ നടത്തിയ ആക്രമണത്തിൽ രണ്ട്​ സാധാരണക്കാർ കൊല്ലപ്പെടുകയും 9 പേർക്ക്​ പരിക്കേൽക്കുകയും ചെയ്​തിരുന്നു. ഇതിന്​ പിന്നാലെയാണ്​ പാകിസ്​താ​​​​​െൻറ ഭാഗത്ത്​ നിന്ന്​ വീണ്ടും വെടിനിർത്തൽ കരാർ ലംഘനം ഉണ്ടാവുന്നത്​.

പുതിയ സംഭവ വികാസങ്ങളുടെ പശ്​ചാത്തലത്തിൽ നൗഷേരയിലെ 51 സ്​കൂളുകളും മഞ്ചകോട്ടയിലെ 36 സ്​കൂളുകളും അനിശ്​ചിതകാലത്തേക്ക്​ അടച്ചു.