കേന്ദ്രത്തി​െനതിരെ വെളിപ്പെടുത്തൽ: സ്​ഥലംമാറ്റ ഭീഷണിയുണ്ടെന്ന്​ കശ്​മീർ ഗവർണർ

ജമ്മു: ക​ശ്​​മീ​ർ നി​യ​മ​സ​ഭ പി​രി​ച്ചു​വി​ട്ട​തി​​ന്റെ കാരണം വെളിപ്പെടുത്തിയതിന്​ തനിക്ക്​ സ്​ഥലംമാറ്റ ഭീഷണിയുണ്ടെന്ന്​ ജമ്മു കശ്​മീർ ഗവർണർ സത്യാപാൽ മാലിക്​. തന്റെ വെളിപ്പെടുത്തൽ മൂലം പദവി നഷ്​ടമാകില്ല. എന്നാൽ സ്​ഥലം മാറ്റത്തിന്​ സാധ്യതയുണ്ടെന്ന്​ അദ്ദേഹം പറഞ്ഞു.

ബി.​ജെ.​പി പി​ന്തു​ണ​യു​ള്ള പീ​പ്​​ൾ​സ്​ കോ​ൺ​ഫ​റ​ൻ​സ്​ തലവനും മുൻ വിഘടനവാദി നേതാവുമായ സ​ജ്ജാ​ദ്​ ഗ​നി ലോ​ണി​നെ സ​ർ​ക്കാ​റു​ണ്ടാ​ക്കാ​ൻ ക്ഷ​ണി​ക്ക​ണ​മെ​ന്ന്​ കേ​ന്ദ്ര സ​ർ​ക്കാ​ർ നി​ർ​ബ​ന്ധി​ച്ച​തി​നെ തു​ട​ർ​ന്നാ​ണ്​ ക​ശ്​​മീ​ർ നി​യ​മ​സ​ഭ പി​രി​ച്ചു​വി​ട്ട​തെ​ന്നായിരുന്നു ഗവർണറുടെ വെളിപ്പെടുത്തൽ.

എത്രകാലം ഇവിടെയുണ്ടാകുമെന്ന്​ പറയാനാകില്ല. അത്​ ത​​ന്റെ നിയന്ത്രണത്തിലല്ല. എപ്പോഴാണ്​ സ്​ഥലംമാറ്റമുണ്ടാവുക എന്നും അറിയില്ല. തനിക്ക്​ പദവി നഷ്​ടപ്പെടില്ലായിരിക്കും. എന്നാൽ സ്​ഥലം മാറ്റ ഭീഷണി നിലനിൽക്കുന്നുണ്ട്​. എത്രകാലം ഞാനിവിടെ ഉണ്ടാകുന്നുവോ അത്രയും കാലം നിങ്ങൾ വിളിച്ചാൽ ഇവിടെ വന്ന്​ ആദരാഞ്​ജലി അർപ്പിക്കാൻ താൻ തയാറാണെന്നും അദ്ദേഹം പറഞ്ഞു. കോൺഗ്രസ്​ നേതാവ്​ ഗിർധരി ലാൽ ദോഗ്രയുടെ ചരമ വാർഷികത്തിൽ സംസാരിക്കുകയായിരുന്നു അദ്ദേഹം.

ക​ഴി​ഞ്ഞ ബു​ധ​നാ​ഴ്​​ച നാ​ഷ​ന​ൽ കോ​ൺ​ഫ​റ​ൻ​സും മ​ഹ്​​ബൂ​ബ മു​ഫ്​​തി​യു​ടെ പി.​ഡി.​പി​യും കോ​ൺ​ഗ്ര​സ്​ പി​ന്തു​ണ​യോ​ടെ സ​ർ​ക്കാ​റി​ന്​ അ​വ​കാ​ശ​മു​ന്ന​യി​ച്ച​തി​ന്​ തൊ​ട്ടു​പി​ന്നാ​ലെ​യാ​ണ്​ ഗ​വ​ർ​ണ​ർ സ​ഭ പി​രി​ച്ചു​വി​ട്ട​ത്.