ജമ്മു കശ്മീരിൽ 25000കോടിയുടെ വികസനപ്രവർത്തനങ്ങൾ കൊണ്ട് വരുമെന്ന് പ്രധാനമന്ത്രി

ശ്രീനഗർ: ജനങ്ങളുടെ ക്ഷേമത്തിന് സംസ്ഥാനത്ത് 25000കോടിയുടെ വികസന പ്രവർത്തനങ്ങൾ തുടങ്ങാൻ തീരുമാനിച്ചതായി പ്രധാനമന്ത്രി നരേന്ദ്ര മോദി. ബുദ്ധിസ്റ്റ് ആചാര്യനും ഇന്ത്യയുടെ മംഗോളിയൻ അംബാസിഡറുമായിരുന്ന കുശക് ബകുല റിൻപോച്ചി 100മത് ജന്മദിനാഘോഷ ചടങ്ങിൽ സംസാരിക്കുകയായിരുന്നു അദ്ദേഹം. 

ജമ്മുകശ്​മീരിന്‍റെ കാർഷിക വളർച്ച സംസ്ഥാനത്തിന് പുറത്തേക്ക് വ്യാപിപ്പിക്കുകയാണങ്കിൽ ആരോഗ്യ മേഖലയിൽ സമഗ്രമായ വളർച്ചക്ക് അത്​ സഹായിക്കുമെന്ന് അദ്ദേഹം പറഞ്ഞു.

ജമ്മുകശ്​മീരിൽ 25000 കോടിയുടെ വികസന പ്രവർത്തനങ്ങൾ വരികയാണ്. ഇത് ജനങ്ങളിൽ പുരോഗമനപരമായ മാറ്റം ഉണ്ടാക്കുമെന്നും പ്രധാനമന്ത്രി വ്യക്​തമാക്കി.