അതിർത്തിയിൽ പാക് വെടിനിർത്തൽ ലംഘനം; രണ്ട്​ സൈനികർ ഉൾപ്പടെ മൂന്ന്​ പേർ കൊല്ലപ്പെട്ടു

ശ്രീനഗർ: അതിർത്തിയിൽ പാകിസ്​താൻ നടത്തിയ വെടിവെപ്പിൽ മൂന്ന്​ പേർ കൊല്ലപ്പെട്ടു. രണ്ട്​ സൈനികരും ഒരു സിവിലിയനുമാണ്​ കൊല്ലപ്പെട്ടത്​. കുപ്​വാര ജില്ലയി​ലാണ്​ പാകിസ്​താൻെറ വെടിനിർത്തൽ കരാർ ലംഘനമുണ്ടായത്​.

മൂന്ന്​ സിവിലയൻമാർക്ക്​ ആക്രമണത്തിൽ പരിക്കേറ്റിട്ടുണ്ട്​. രണ്ട്​ വീടുകൾക്കും കേടുപാടുപറ്റി.

കഴിഞ്ഞയാഴ്​ച ബാരമുല്ല, രജൗരി സെക്​ടറുകളിലും പാകിസ്​താൻ വെടിനിർത്തൽ കരാർ ലംഘിച്ചിരുന്നു. രണ്ട്​ സൈനികരാണ്​ പാകിസ്​താൻ ആക്രമണത്തിൽ കൊല്ലപ്പെട്ടത്​.