Top
Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജിന്ന വിവാദം: യു.പി...

ജിന്ന വിവാദം: യു.പി മന്ത്രിയെ പുറത്താക്കണമെന്ന് പാർട്ടി എം.പി

text_fields
bookmark_border
ജിന്ന വിവാദം: യു.പി മന്ത്രിയെ പുറത്താക്കണമെന്ന് പാർട്ടി എം.പി
cancel

ലഖ്​നോ: മുഹമ്മദലി ജിന്നയെ മഹാപുരുഷൻ എന്ന്​ വി​േശഷിപ്പിച്ച ഉത്തർ​പ്രദേശിലെ മന്ത്രി സ്വാമി പ്രസാദ്​ മൗര്യയെ ബി.ജെ.പിയിൽനിന്ന്​ പുറത്താക്കണമെന്ന്​ പാർട്ടി എം.പി ഹർനാഥ്​ സിങ്​ യാദവ്​. രാജ്യത്തെ വിഭജിച്ച കൊടുംകുറ്റവാളിയെ മഹാൻ എന്നു വിശേഷിപ്പിച്ചത്​ ഉടൻ പിൻവലിക്കുകയോ അല്ലെങ്കിൽ അദ്ദേഹത്തെ പുറത്താക്കുകയോ വേണമെന്നാണ്​​ രാജ്യസഭ എം.പിയായ യാദവി​​​െൻറ ആവശ്യം. ‘‘ഇന്ത്യയെ വിഭജിച്ച ജിന്നയുടെ പടം അലീഗഢ്​ മുസ്​ലിം സർവകലാശാലയിൽ വെക്കാം എന്നാൽ; ‘ഭാരത്​ മാതാ കീ ജയ്​’, ‘വന്ദേമാതരം’ എന്നിവ പാടില്ല’’ ^എന്നായിരുന്നു യാദവി​​​െൻറ ട്വീറ്റ്​. 

അതിനിടെ, താൻ ഇത്തരം പ്രസ്​താവന നടത്തിയിട്ടില്ലെന്നും മാധ്യമങ്ങൾ തെറ്റായി റിപ്പോർട്ട്​ ചെയ്​തതാണെന്നും​ മൗര്യ പറഞ്ഞു. പാകിസ്​താൻ രൂപവത്​കരിക്കുന്നതിനുമുമ്പ്​ ജിന്ന ഇന്ത്യക്കുവേണ്ടിയാണ്​ പ്രവർത്തിച്ചതെന്നും അദ്ദേഹത്തിനെതിരെ കൈ ചൂണ്ടുന്നത്​ നാണക്കേടാണെന്നുമാണ്​ മൗര്യ പറഞ്ഞത്​. അലീഗഢ്​ മുസ്​ലിം സർവകലാശാലയിൽ ജിന്നയുടെ ചിത്രം പ്രദർശിപ്പിക്കുന്നതിൽ ബി.ജെ.പി എം.പി സതീഷ്​ ഗൗതം പ്രതിഷേധിച്ചതിനെത്തുടർന്നായിരുന്നു പ്രതികരണം. ചി​ത്രം പ്രദർശിപ്പിക്കുന്നതിനെതിരെ വൈസ്​ ചാൻസലറോട്​ വിശദീകരണമാവശ്യ​െപ്പട്ട്​ സതീഷ്​ കത്തയച്ചിരുന്നു.

സർവകലാശാല ഉന്നതാധികാര സമിതിയുടെ (കോർട്ട്​) സ്​ഥാപകാംഗമായിരുന്ന ജിന്നയുടെ ചിത്രം ദശാബ്​ദങ്ങളായി പ്രദർശിപ്പിക്കുന്നുണ്ടെന്ന്​ സർവകലാശാല വക്​താവ്​ ഷാഫി കിദ്വായി പറഞ്ഞു. ജിന്നക്ക്​ വിദ്യാർഥി യൂനിയനിൽ ആജീവനാന്ത അംഗത്വവുമുണ്ടെന്നും അ​േദ്ദഹം പറഞ്ഞു. വിവാദത്തെത്തുടർന്ന്​ ജിന്നയുടെ പടം എടുത്തുമാറ്റിയെന്ന റിപ്പോർട്ട്​ സർവകലാശാല വിദ്യാർഥി യൂനിയൻ നിഷേധിച്ചു. മുൻ ഉപരാഷ്​ട്രപതി ഹാമിദ്​ അൻസാരി പ​െങ്കടുക്കുന്ന പരിപാടിക്ക്​ യൂനിയൻ ഹാൾ വൃത്തിയാക്കിയതിനെത്തുടർന്നാകാം ഇത്തരമൊരു പ്രചാരണമുണ്ടായത്​. സതീഷ്​ ഗൗതം മൂന്നുവർഷം കോർട്ട്​ അംഗമായിരുന്നുവെന്നും അന്ന്​ ഇത്തരമൊരു ആവശ്യം ഉന്നയിച്ചിട്ടില്ലെന്നും യൂനിയൻ പ്രസിഡൻറ്​ മഷ്​കൂർ അഹമ്മദ്​ ഉസ്​മാനി ചൂണ്ടിക്കാട്ടി. 

അലീഗഢ്​ മുസ്​ലിം സർവകലാശാല വിദ്യാർഥി യൂനിയൻ പാകിസ്​താ​​​െൻറ പിറവിക്കിടയാക്കിയ ദ്വിരാഷ്​ട്ര സിദ്ധാന്തത്തെ ശക്​തമായി എതിർക്കുന്നു. അവിഭജിത ഇന്ത്യയുടെ സ്വാതന്ത്ര്യപ്രസ്​ഥാനത്തി​​​െൻറ പൈതൃകത്തി​​​െൻറ ഭാഗമായാണ്​ ജിന്നയുടെ പടം സ്​ഥാപിച്ചതെന്നും അദ്ദേഹം കൂട്ടിച്ചേർത്തു. യോഗി ആദിത്യനാഥ്​ സർക്കാറിനേക്കാൾ മികച്ചത്​ മായാവതിയുടെ ഭരണമായിരുന്നുവെന്ന്​ സ്വാമി പ്രസാദ്​ മൗര്യ നേരത്തെ പറഞ്ഞത്​ ബി.ജെ.പിയെ വിവാദച്ചുഴിയിലാക്കിയിരുന്നു. ബി.എസ്​.പി ദേശീയ സെക്രട്ടറിയായിരുന്ന മൗര്യ 2016ൽ മായാവതിയുമായി തെറ്റിയാണ്​ ബി.ജെ.പിയിൽ ചേർന്നത്​.


 

Show Full Article
TAGS:jinnah up minister Swami Prasad Maurya india news malayalam news 
News Summary - Jinnah was ‘mahapurush’, says UP minister Swami Prasad Maurya
Next Story