മോദിക്കെതിരെ ട്വീറ്റ്; ജിഗ്നേഷ് മേവാനി അറസ്റ്റിൽ

അ​ഹ്മ​ദാ​ബാ​ദ്: നാ​ഥു​റാം ഗോ​ദ്സെ​യെ​യും പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ​യും പ​രാ​മ​ർ​ശി​ക്കു​ന്ന വി​വാ​ദ ട്വീ​റ്റി​നെ തു​ട​ർ​ന്ന് ഗു​ജ​റാ​ത്തി​ലെ കോ​ൺ​ഗ്ര​സ് എം.​എ​ൽ.​എ ജി​ഗ്നേ​ഷ് ​മേ​വാ​നി​യെ അ​സം പൊ​ലീ​സ് അ​റ​സ്റ്റ് ചെ​യ്തു. ബു​ധ​നാ​ഴ്ച രാ​ത്രി 11.30ഓ​ടെ ഗു​ജ​റാ​ത്തി​ലെ പാ​ല​ൻ​പു​രി​ൽ​നി​ന്ന് അ​റ​സ്റ്റ് ചെ​യ്ത മേ​വാ​നി​യെ മ​ണി​ക്കൂ​റു​ക​ൾ​ക്കു​ള്ളി​ൽ വി​മാ​ന​ത്തി​ൽ ഗു​വാ​ഹ​തി​യി​ലെ​ത്തി​ച്ചു.

അ​വി​ടെ​നി​ന്ന് 220 കി​ലോ​മീ​റ്റ​ർ ദൂ​രം റോ​ഡ് മാ​ർ​ഗം കേ​സ് ര​ജി​സ്റ്റ​ർ ചെ​യ്ത കൊ​ക്ര​ജ​ർ ജി​ല്ല​യി​ലേ​ക്ക് കൊ​ണ്ടു​പോ​യി. ചീഫ് ജുഡീഷ്യൽ മജിസ്ട്രേറ്റ് കോടതിയിൽ ഹാജരാക്കിയ മേവാനിയെ മൂന്നുദിവസം പൊലീസ് കസ്റ്റഡിയിൽ റിമാൻഡ് ചെയ്തു.

ദി​വ​സ​ങ്ങ​ൾ​ക്കു​മു​മ്പാ​ണ് ഗു​ജ​റാ​ത്തി​ലെ ക്ര​മ​സ​മാ​ധാ​ന നി​ല സം​ബ​ന്ധി​ച്ച് ജി​ഗ്നേ​ഷ് മേ​വാ​നി വി​വാ​ദ ട്വീ​റ്റ് പ​ങ്കു​വെ​ക്കു​ന്ന​ത്. ഈ ​ട്വീ​റ്റ് പി​ന്നീ​ട് ട്വി​റ്റ​ർ​ത​ന്നെ ത​ട​ഞ്ഞു​വെ​ച്ചു. ബി.​ജെ.​പി ഭ​രി​ക്കു​ന്ന അ​സ​മി​ലെ കൊ​ക്ര​ജ​റി​ൽ ബി.​ജെ.​പി നേ​താ​വ് അ​രൂ​പ് കു​മാ​ർ ദേ​യു​ടെ പ​രാ​തി​യി​ലാ​ണ് കേ​സ് ര​ജി​സ്റ്റ​ർ ചെ​യ്ത​ത്. സ​മു​ദാ​യ വൈ​രം സം​ബ​ന്ധി​ച്ച വ​കു​പ്പു​ക​ൾ പ്ര​കാ​ര​മാ​ണ് കേ​സെ​ടു​ത്ത​ത്.

മേ​വാ​നി​യു​ടെ അ​റ​സ്റ്റ് വി​വ​ര​മ​റി​ഞ്ഞ് ഗു​ജ​റാ​ത്ത് കോ​ൺ​ഗ്ര​സ് പ്ര​സി​ഡ​ന്റ് ജ​ഗ്ദീ​ഷ് ത​ക്ക​റും മ​റ്റു​നേ​താ​ക്ക​ളും വി​മാ​ന​ത്താ​വ​ള​ത്തി​ൽ കു​തി​ച്ചെ​ത്തി​യെ​ങ്കി​ലും വി​മാ​നം പു​റ​പ്പെ​ട്ടി​രു​ന്നു. ബി.​ജെ.​പി ഗ​വ​ൺ​മെ​ന്റി​നെ​തി​രെ പ്ര​തി​ഷേ​ധ മു​ദ്രാ​വാ​ക്യ​ങ്ങ​ൾ മു​ഴ​ക്കി​യ​ശേ​ഷ​മാ​ണ് നേ​താ​ക്ക​ൾ മ​ട​ങ്ങി​യ​ത്.

ദ​ലി​ത് നേ​താ​വാ​യ മേ​വാ​നി ബ​ന​സ്ക​ന്ത​യി​ലെ വ​ഡ്ഗം മ​ണ്ഡ​ല​ത്തി​ൽ​നി​ന്നു​ള്ള സ്വ​ത​ന്ത്ര എം.​എ​ൽ.​എ​യാ​ണ്. അ​ടു​ത്തി​ടെ കോ​ൺ​ഗ്ര​സി​ന് പി​ന്തു​ണ ​പ്ര​ഖ്യാ​പി​ച്ചി​രു​ന്നു. മേ​വാ​നി​യു​ടെ അ​റ​സ്റ്റ് ഭ​ര​ണ​ഘ​ട​ന വി​രു​ദ്ധ​വും ജ​നാ​ധി​പ​ത്യ വി​രു​ദ്ധ​വു​മാ​ണെ​ന്ന് കോ​ൺ​ഗ്ര​സ് നേ​താ​വ് രാ​ഹു​ൽ ഗാ​ന്ധി പ്ര​തി​ക​രി​ച്ചു.