Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_right13കാരിയെ ക്രൂരമായി...

13കാരിയെ ക്രൂരമായി കൊലപ്പെടുത്തിയ സംഭവം: യോഗി രാജ് ക്രൂരതയുടെ കൊടുമുടിയിൽ -ജിഗ്​നേഷ്​ മേവാനി

text_fields
bookmark_border
13കാരിയെ ക്രൂരമായി കൊലപ്പെടുത്തിയ സംഭവം: യോഗി രാജ് ക്രൂരതയുടെ കൊടുമുടിയിൽ -ജിഗ്​നേഷ്​ മേവാനി
cancel

അഹ്​മദാബാദ്​: യു.പി ലഖിംപൂർ ഖേരി ജില്ലയിലെ ദലിത് പെൺകുട്ടിയെ ക്രൂരമായി കൊലപ്പെടുത്തിയ സംഭവത്തിൽ യോഗി ആദിത്യനാഥ്​ സർക്കാറിനെതിരെ വിമർശനം രൂക്ഷമാകുന്നു. ഉത്തർപ്രദേശിൽ യോഗി രാജാണ്​ നടപ്പാക്കുന്നതെന്ന്​ ഗുജറാത്തിലെ സ്വതന്ത്ര എം.എൽ.എയും ആക്​ടിവിസ്​ടുമായ ജിഗ്​നേഷ്​ മേവാനി അഭിപ്രായപ്പെട്ടു. ലജ്ജാകരമാണിതെന്നും അദ്ദേഹം ട്വീറ്റ്​ ചെയ്​തു.

യോഗി ആദിത്യനാഥ്​ സർക്കാരിന്​ കീഴിൽ സംസ്ഥാനത്ത് 'ജംഗിൾ രാജ്' ആണ്​ നടപ്പാക്കുന്നതെന്ന്​ ഉത്തർപ്രദേശ് കോൺഗ്രസ് കമ്മിറ്റി (യു.പി.സി.സി) പ്രസിഡൻറ്​ അജയ് കുമാർ ലല്ലു പറഞ്ഞു. കുറ്റവാളികളും പൊലീസും തമ്മിൽ അവിശുദ്ധ ബന്ധം നിലനിൽക്കുന്നതായും ​ കോൺഗ്രസ് ആരോപിച്ചു. ലഖിംപൂർ വിഷയം നിയമസഭാ സമ്മേളനത്തിൽ ഉന്നയിക്കുമെന്നും അദ്ദേഹം അറിയിച്ചു.

ബി.ജെ.പി സർക്കാറിൻെറ കാലത്ത് ദലിത് പീഡനം അതിൻെറ മൂർധന്യതയിലെത്തിയതായി ഭീം ആർമി തലവൻ ചന്ദ്രശേഖർ ആസാദ് ആരോപിച്ചു. പെൺമക്കളോ വീടുകളോ സുരക്ഷിതമല്ല. എല്ലായിടത്തും ഭയം നിലനിൽക്കുകയാണ്​ -ആസാദ് ചൂണ്ടിക്കാട്ടി.

ലഖ്നോവിൽ നിന്ന് 130 കിലോമീറ്റർ അകലെ നേപ്പാൾ അതിർത്തിയിൽ വെള്ളിയാഴ്​ചയായിരുന്നു രാജ്യത്തെ നടുക്കിയ ക്രൂരസംഭവം അരങ്ങേറിയത്​. 13കാരിയെ ബലാത്സംഗം ചെയ്ത ശേഷം കഴുത്ത് ഞെരിച്ച് കൊലപ്പെടുത്തുകയായിരുന്നു. പെൺകുട്ടിയുടെ കണ്ണുകൾ ചൂഴ്‌ന്നെടുക്കുകയും നാക്ക് മുറിക്കുകയും ചെയ്തശേഷം കരിമ്പിൻതോട്ടത്തിൽ ഉപേക്ഷിച്ച നിലയിലായിരുന്നു മൃതദേഹം. സംഭവത്തിൽ രണ്ട് ഗ്രാമവാസികളെ പൊലീസ് അറസ്റ്റ് ചെയ്തിട്ടുണ്ട്​.

Show Full Article
TAGS:Rape up rape yogi jignesh mevani chandrashekhar azad ravan 
Next Story