ആൾക്കൂട്ട കൊലപാതകം: ഝാർഖണ്ഡ്​ ഹൈകോടതി സർക്കാറിനോട്​ റിപ്പോർട്ട്​ തേടി

റാഞ്ചി: ഝാർഖണ്ഡിൽ ആൾക്കൂട്ട ആക്രമണത്തിൽ മുഹമ്മദ്​ തബ്​രിസ്​ അൻസാരി കൊല്ലപ്പെട്ട സംഭവത്തിൽ ഉത്​ക്കണഠ രേഖപ് പെടുത്തി ഝാർഖണ്ഡ്​ ഹൈകോടതി. സംഭവത്തിൽ സംസ്ഥാന​ സർക്കാറിനോട്​ റിപ്പോർട്ട്​ സമർപ്പിക്കാൻ കോടതി​ നിർദേശിച ്ചു.

തബ്​രിസ്​ അൻസാരിയുടെ മരണവുമായി ബന്ധപ്പെട്ട് പങ്കജ്​ കുമാർ എന്നയാൾ നൽകിയ പൊതുതാൽപര്യ ഹരജി പരിഗണിക്കവെ​ ജസ്​റ്റിസുമാരായ​ എച്ച്​​.സി.​ മിശ്ര, ദീപക്​ റോഷൻ എന്നിവരടങ്ങിയ ഡിവിഷൻ ബെഞ്ചാണ്​​​ സംസ്ഥാന സർക്കാറിനോട്​ റിപ്പോർട്ട്​ നൽകാൻ ഉത്തരവിട്ടത്​.

ആൾക്കൂട്ട ആക്രമവുമായി ബന്ധപ്പെട്ട്​ റിപ്പോർട്ട്​ നൽകാൻ റാഞ്ചി എസ്​.എസ്​.പിയോട്​ നിർദേശിച്ച കോടതി സംഭവത്തിൽ സർക്കാറിനോടും റിപ്പോർട്ട്​ ആവശ്യപ്പെടുകയായിരുന്നുവെന്ന്​ പ്രതിഭാഗം അഭിഭാഷകനായ രാജീവ്​ കുമാർ പറഞ്ഞു. സംഭവം അതീവ ഗൗരവതരമാണെന്ന്​ കോടതി നിരീക്ഷിച്ചതായും അദ്ദേഹം വ്യക്തമാക്കി.

ഇക്കഴിഞ്ഞ ജൂൺ 17നാണ്​ തബ്​രിസ്​ അൻസാരിക്ക്​ മർദനമേറ്റത്​. കുറച്ച്​ ദിവസം കഴിഞ്ഞതോടെ ചികിത്സക്കിടെ അദ്ദേഹം​ മരിക്കുകയും ചെയ്​തു.