13 അന്താരാഷ്​ട്ര റൂട്ടുകളിലേക്കുള്ള സർവീസ്​ റദ്ദാക്കി ജെറ്റ്​ എയർവേയ്​സ്​

ന്യൂഡൽഹി: 13 അന്താരാഷ്​ട്ര റൂട്ടുകളിലേക്കുള്ള സർവീസ്​ റദ്ദാക്കി ജെറ്റ്​ എയർവേയ്​സ്​. ഏപ്രിൽ അവസാനം വരെയാണ്​ സ ർവീസുകൾ റദ്ദാക്കിയിരിക്കുന്നത്​. വാടകക്കെടുത്ത വിമാനങ്ങൾ നിലത്തിറക്കിയത്​ മൂലമാണ്​ നിലവിലെ പ്രതിസന്ധി ഉടലെടുത്തിരിക്കുന്നത്​.

ഡൽഹി, മുംബൈ വിമാനത്താവളങ്ങളിൽ നിന്നുള്ള വിമാനങ്ങളാണ്​ റദ്ദാക്കിയവയിൽ ഭൂരിഭാഗവും. പൂണെ-സിംഗപ്പൂർ, പൂണെ-അബുദാബി തുടങ്ങിയ സർവീസുകളും റദ്ദാക്കിയവയിൽ ഉൾപ്പെടുന്നു​. മുംബൈ-മാഞ്ചസ്​റ്റർ റൂട്ടിലെ സർവീസും​ ജെറ്റ്​ എയർവേയ്​സ്​ റദ്ദാക്കിയിട്ടുണ്ട്​​.

ജെറ്റ്​ എയർവേയ്​സിലെ പൈലറ്റുമാർ ഏപ്രിൽ ഒന്ന്​ മുതൽ സമരം തുടങ്ങുമെന്ന്​ അറിയിച്ചിരുന്നു. ഇവരുടെ സമരം കൂടി തുടങ്ങുന്നതോടെ കടുത്ത പ്രതിസന്ധിയിലേക്കാവും വിമാന കമ്പനി എത്തുക.