മാറ്റിവെച്ച ജെ.ഇ.ഇ മെയിൻ പരീക്ഷകൾ ജൂലൈ 20 മുതൽ

ന്യൂഡൽഹി: കോവിഡ്​ മഹാമാരി കാരണം മാറ്റിവെച്ച 2021ലെ ജോയൻറ്​ എന്‍ട്രന്‍സ് എക്‌സാമിനേഷന്‍ (ജെ.ഇ.ഇ.) മെയിന്‍ എന്‍ജിനിയറിങ് പ്രവേശന പരീക്ഷകളുടെ മൂന്നാം സെഷൻ ജൂലൈ 20 മുതൽ 25 വരെയും നാലാം സെഷൻ ജൂലൈ 27 മുതൽ ആഗസ്​ത്​ രണ്ട്​ വരെയും നടക്കുമെന്ന് കേന്ദ്ര വിദ്യാഭ്യാസ മന്ത്രി രമേശ് പൊഖ്രിയാൽ അറിയിച്ചു.

രണ്ട് സെഷനുകളുടെയും ഫലങ്ങൾ ആഗസ്​തിൽ പ്രഖ്യാപിക്കും. പൂർണമായും കോവിഡ്​ മാനദണ്ഡങ്ങൾ പാലിച്ചായിരിക്കും പരീക്ഷ നടത്തിപ്പെന്നും മന്ത്രി പറഞ്ഞു. എൻജിനീയറിങ്​ കോളജുകളിലെ പ്രവേശനത്തിന്​ വർഷം നാലു സെഷനുകളായാണ്​​ രാജ്യത്ത്​ ജെ.ഇ.ഇ മെയിൻ പരീക്ഷകൾ നടത്താറ്​.