സെയ്ദ് മുദീർ എം.എൽ.സി നിര്യാതനായി

മംഗളൂരു: ജെ.ഡി.എസ് നേതാവ് സെയ്ദ് മുദീർ അഗ എം.എൽ.സി(67) ഹൃദയാഘാതത്തെത്തുടർന്ന് ബംഗളരുവിലെ സ്വകാര്യ ആശുപത്രിയിൽ നിര്യാതനായി. രാമനഗരം സ്വദേശിയായ ഇദ്ദേഹം 2012 ജൂണിലാണ് ലെജിസ്ലേറ്റീവ് കൗൺസിൽ അംഗമായി തെരഞ്ഞെടുക്കപ്പെട്ടത്.

ഈ മാസം 17ന് കാലാവധി തീരേണ്ടതാണ്. വെള്ളിയാഴ്ച രാത്രിയാണ് ആശുപത്രിയിൽ പ്രവേശിപ്പിച്ചത്. മരുന്നുകളോട് പ്രതികരിച്ചില്ല. ഭാര്യയും മൂന്ന് പെൺമക്കളുമുണ്ട്.