Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_right'പാർട്ടിയുടെ തകർച്ച...

'പാർട്ടിയുടെ തകർച്ച കണ്ടു നിൽക്കാനാവില്ല'; തിരിച്ചുവരവ്​ പ്രഖ്യാപിച്ച്​ ശശികല

text_fields
bookmark_border
saiskala
cancel

ചെന്നൈ: തമിഴ്​നാട്​ മുൻ മുഖ്യമന്ത്രി ജെ. ജയലളിതയുടെ തോഴിയും എ.ഐ.എ.ഡി.എം.കെ മുൻ ജനറൽ സെക്രട്ടറിയുമായ ശശികല രാഷ്​ട്രീയത്തിലേക്ക്​ തിരിച്ചെത്തുന്നു. പാർട്ടിയുടെ തകർച്ച കണ്ടുനിൽക്കാനാവില്ലെന്നും എല്ലാവരെയും നേരിൽ കാണാൻ ഉടനെത്തു​െമന്നും ശശികല അറിയിച്ചു.

'പാര്‍ട്ടിയെ നേര്‍വഴിക്ക് നടത്താന്‍ ഉടനെ ഞാനെത്തും. പാര്‍ട്ടിയുടെ അധഃപതനം എനിക്ക് കണ്ടുനില്‍ക്കാനാവില്ല. എല്ലാവരേയും ഒരുമിച്ചു നിര്‍ത്തലാണ് പാര്‍ട്ടിയുടെ നയം, നമുക്കൊരുമിക്കാം' -ശശികല പ്രസ്താവനയില്‍ പറഞ്ഞു.

കഴിഞ്ഞ നിയമസഭാ തെരഞ്ഞടുപ്പിന് മുമ്പാണ്​ ഇനി സജീവ രാഷ്ട്രീയത്തിലേക്കില്ലെന്ന് ശശികല പ്രഖ്യാപിച്ചത്​. പാര്‍ട്ടിയിലെ ആഭ്യന്തര കലഹമാണ്​ നിലപാട് മാറ്റത്തിന്​ പിന്നിലെന്നാണ്​ ശശികല പറയുന്നത്​. ഒക്​ടോബർ 16ന്​ മറീന ബീച്ചിലുള്ള ജയലളിതയുടെ സമാധി സ്​ഥലം സന്ദർശിക്കാൻ ശശികല പദ്ധതിയിടുന്നുണ്ട്​. ഇതിന്​ ശേഷം പ്രവർത്തക രെ നേരിൽ കാണാനായി സംസ്​ഥാന പര്യടനവും നടത്തുന്നുണ്ട്​.

എ.ഐ.എ.ഡി.എം.കെ.യുടെ സുവർണജൂബിലി ആഘോഷങ്ങൾക്കായി ഒ. പനീർശെൽവവും എടപ്പാടി പളനിസ്വാമിയും നേതൃത്വം നൽകുന്ന ഔദ്യോഗികപക്ഷം ഒരുങ്ങുന്നതിനിടെയാണ്​ ശശികലയുടെ തിരിച്ചവരവ്​ വാർത്ത. അടുത്ത വർഷമാണ്​ പാർട്ടി രൂപവൽകരിച്ചിട്ട്​ 50 വർഷം തികയുന്നത്​. 1972 ഒക്​ടോബർ 17നാണ്​ തമിഴ്​നാട്​ മുൻ മുഖ്യമന്ത്രി എം.ജി. രാമചന്ദ്രൻ അണ്ണാ ഡി.എം.കെ രൂപീകരിച്ചത്​.

പളനസ്വാമിയുടെ കൂട്ടാളികൾക്കെതിരായ വിജിലൻസ്​ കേസുകൾക്കൊപ്പം ഡി.എം.കെ സർക്കാർ കോടനാട്​ കേസ്​ കൂടി കുത്തിപ്പൊക്കിയ സാഹചര്യത്തിൽ ശശികലയുടെ തിരിച്ചവരവിന്​ വലിയ രാഷ്​ട്രീയ മാനം കൈവന്നിരിക്കുകയാണ്​.

നാല് വര്‍ഷത്തെ ജയില്‍വാസത്തിന് ശേഷം 2021 ഫെബ്രുവരിയിലാണ്​ ശശികല പരപ്പന അഗ്രഹാര ജയിലിൽ നിന്നിറങ്ങിയത്​. ശശികലയുടെ തിരിച്ചുവരവ്​ തമിഴ്​ രാഷ്ട്രീയത്തിൽ വലിയ ചലനങ്ങൾ സൃഷ്​ടിക്കുമെന്ന്​ കരുതിയവരെ നിരാശയാക്കി മാറിനിൽക്കുകയാണ്​ അവർ ചെയ്​തത്​.

മേയിൽ പാർട്ടിക്ക്​ ഭരണം നഷ്​ടമായതിന്​ പിന്നാലെ താൻ രാഷ്​ട്രീയത്തിലേക്ക്​ മടങ്ങി വരുമെന്ന്​ ശശികല പ്രഖ്യാപിച്ചിരുന്നു. കോവിഡ്​ സാഹചര്യം മെച്ചപ്പെടുന്ന മുറക്ക്​ പാർട്ടി പ്രവർത്തകരെ താൻ നേരിൽ കാണുമെന്നും​ അറിയിച്ചു. എന്നാൽ ശശികലയുമായി ബന്ധപ്പെട്ട പ്രവർത്തകരെ പാർട്ടി നേതൃത്വം പുറത്തക്കി. എങ്കിൽ പോലും പ്രവർത്തകർ അവരുമായുള്ള ബന്ധം​ തുടർന്നു.

ശശികല സംസ്​ഥാന പര്യടനം ആരംഭിക്കുന്നതിന്​ മുന്നോടിയായി പളനിസ്വാമി ക്യാമ്പിലില്ലാത്ത നിരവധി മുൻ മന്ത്രിമാർ അവർക്ക്​ പിന്തുണ അറിയിച്ചതായാണ്​ റിപ്പോർട്ടുകൾ.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:sasikalaaiadmkJ Jayalalithaa
News Summary - Jayalalithaa's close aide and AIADMK's ousted general secretary Sasikala planning for political comeback
Next Story