Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightIndiachevron_rightജയലളിത എഴുന്നേറ്റു:...

ജയലളിത എഴുന്നേറ്റു: ആരോഗ്യം വീണ്ടെടുക്കുന്നുവെന്ന്​ വിവരം

text_fields
bookmark_border
ജയലളിത എഴുന്നേറ്റു: ആരോഗ്യം വീണ്ടെടുക്കുന്നുവെന്ന്​ വിവരം
cancel

ചെന്നൈ: തമിഴ്​നാട്​ മുഖ്യമന്ത്രി ജയളിതയുടെ ആരോഗ്യത്തിൽ പുരോഗതിയുണ്ടെന്ന്​ ആശുപത്രി അധികൃതർ. ജയലളിത ബോധം പൂർണമായും വീണ്ടെടുത്തു. കിടക്കയിൽ നിന്ന്​ എഴുന്നേറ്റിരിക്കാൻ തുടങ്ങിയതായും അധികൃതർ അറിയിച്ചു.

കുറച്ചു ദിവസങ്ങൾ കൂടി ചികിത്സ തുടരേണ്ടിവരുമെന്നും കൃത്രിമ ശ്വാസം നൽകുന്നതിനുള്ള ട്യൂബ്​ മാറ്റിയാൽ മാത്രമേ ജയലളിതക്ക് സംസാരിക്കാൻ കഴിയൂയെന്നും ഡോക്​ടർമാർ വ്യക്തമാക്കി. ശ്വാസകോശ അണുബാധയെ തുടർന്ന്​ മൂന്നാഴ്​ചയിലേറെയായി ചെന്നൈ അപ്പോളോ ആ​ശുപത്രിയിൽ ചികിത്സയിൽ കഴിയുകയാണ്​.

ജയലളിത ആരോഗ്യം പൂർണമായും വീണ്ടെടുത്തെന്നും എത്രയും വേഗം സ്വവസതിയിലേക്ക്​ മടങ്ങുമെന്നും എ​.െഎ.എ.ഡി.എം.കെ വക്താവ്​ സി.ആർ സരസ്വതി മാധ്യമങ്ങളോടു പറഞ്ഞു. അപ്പോളോ ആശുപത്രിയിലെ ഡോക്​ടർമാരുടെയും വിദേശത്തുനിന്ന്​ എത്തിയ വിദഗ്​ധരുടെയും നേതൃത്വത്തിൽ ചികിത്സ നടന്നുകൊണ്ടിരിക്കയാണ്​. ഡോക്​ടർമാരുടെ നിർദേശപ്രകാരമുള്ള വിശ്രമത്തിനു ശേഷം  മുഖ്യമന്ത്രി ഉടൻ വസതിയിലേക്കും ഒൗദ്യോഗിക പദവിയിലേക്കും തിരിച്ചെത്തുമെന്നും സി.ആർ സരസ്വതി പറഞ്ഞു.

68 കാരിയായ ജയലളിതയെ അസുഖത്തെ തുടർന്ന്​ സെപ്​​തംബർ 22 നാണ്​ അ​പ്പോളോ ആശുപത്രിയിൽ പ്രവേശിപ്പിച്ചത്​. പനിയും നിർജലീകരണവുമാണെന്നായിരുന്നു ആദ്യ റിപ്പോർട്ടുകൾ. പിന്നീട്​ ശ്വാസകോശ അണുബാധയാണെന്ന്​ സ്ഥിരീകരിക്കുകയും ലണ്ടനിൽ നിന്ന്​ വിദഗ്​ധ ഡോക്​ടർമാരുടെ സംഘം ചെന്നൈയിലെത്തുകയുമായിരുന്നു.

Show Full Article
TAGS:jalalaithaa Tamil Nadu appolo hospital 
Next Story