ജയലളിതയുടെ കള്ളയൊപ്പിട്ട്​ പാർട്ടി സെക്രട്ടറി സ്​ഥാനം തട്ടിയെടുക്കാൻ സാധ്യത –ശശികല

ചെന്നൈ: അപ്പോളോ ആശുപത്രിയിൽ കഴിയുന്ന തമിഴ്നാട് മുഖ്യമന്ത്രി ജയലളിതയുടെ കള്ളയൊപ്പിട്ട് എ.ഐ.എഡി.എം.കെ ജനറല്‍ സെക്രട്ടറി സ്ഥാനം ചിലര്‍ തട്ടിയെടുക്കാന്‍ സാധ്യയുണ്ടെന്ന്​ പാർട്ടിയിൽനിന്നു പുറത്താക്കിയ രാജ്യസഭാ എംപി ശശികല പുഷ്പ.

തമിഴ്​നാട്​ ഗവര്‍ണര്‍ വിദ്യാസാഗർ റാവുവിന് എഴുതിയ കത്തിലാണു ശശികല ഇക്കാര്യം അറിയിച്ചത്. ജയലളിതയുടെ ഒപ്പ് സൂക്ഷ്​മമായി പരിശോധിക്കണമെന്നും ശശികല ഗവര്‍ണറോട് ആവശ്യപ്പെട്ടു. അച്ചടക്ക ലംഘനത്തിന് പാര്‍ട്ടി പുറത്താക്കിയിരുന്നെങ്കിലും എം.പി സ്ഥാനം രാജിവയ്ക്കാന്‍ ശശികല ഇതുവരെ തയാറായിട്ടില്ല. അതിനിടെ ചെന്നൈയിലെത്തിയ കേരള മുഖ്യമ​ന്ത്രി പിണറായി വിജയനും ഗവർണർ സദാശിവവും ജയലളിതയെ സന്ദർശിച്ചു.