ജയലളിതയുടെ സംസ്​കാരച്ചടങ്ങിന്​ ചെലവായത്​ ഒരു കോടി

ചെന്നൈ: മുൻ മുഖ്യമന്ത്രി ജയലളിതയുടെ സംസ്കാരച്ചടങ്ങിന്​ 99.33 ലക്ഷം രൂപ ചെലവഴിച്ചതായി തമിഴ്​നാട്​ സർക്കാർ. മധുര കെ.കെ നഗർ സയ്യിദ്​ തമീമിന്​ വിവരാവകാശ നിയമപ്രകാരം സംസ്​ഥാന പൊതുമരാമത്ത്​ വകുപ്പ്​ നൽകിയ മറുപടിയിലാണ്​ ഇക്കാര്യം അറിയിച്ചത്​.

ചെന്നൈ അപ്പോളോ ആശുപത്രിയിലെ ചികിത്സാചെലവ്​ സംസ്​ഥാന സർക്കാർ വഹിച്ചിട്ടില്ലെന്നും ഇതിൽ വ്യക്തമാക്കിയിട്ടുണ്ട്​. 2016 ഡിസംബർ അഞ്ചിനായിരുന്നു​ ജയലളിതയുടെ മരണം​.