Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightജയപ്രദ ബി.ജെ.പി.യില്‍...

ജയപ്രദ ബി.ജെ.പി.യില്‍ ചേർന്നു; രാംപുരിൽ നിന്ന്​ മത്സരിക്കും

text_fields
bookmark_border
ജയപ്രദ ബി.ജെ.പി.യില്‍ ചേർന്നു; രാംപുരിൽ നിന്ന്​ മത്സരിക്കും
cancel

ലഖ്‌നൗ: ലോക്​സഭാ മുൻ എം.പിയും നടിയുമായ ജയപ്രദ ബി.ജെ.പിയില്‍ ചേർന്ന​​ു. ന്യൂഡൽഹിയി​െല ബി.ജെ.പി ആസ്ഥാനത്തെത്തിയ ജയപ്രദ പാർട്ടി ഔദ്യോഗിക അംഗത്വം നേടി. പ്രധാനമന്ത്രി നരേന്ദ്രമോദിയുടെ കീഴിൽ പ്രവർത്തിക്കുന്നതിൽ അഭിമാനമുണ ്ടെന്ന്​ ജയപ്രദ പ്രതികരിച്ചു. ദേശീയ സുരക്ഷക്ക്​ പ്രാധാന്യം നൽകുന്ന ഒരു ദേശീയ പാർട്ടിയുടെ ഭാഗമായതിൽ സന്തോഷമെന്നും അവർ പറഞ്ഞു.

ആർ.എൽ.ഡിയിൽ നിന്ന്​ ബി.ജെ.പിയിലേക്ക്​ കൂടുമാറിയ ജയപ്രദ ഉത്തർപ്രദേശിലെ രാംപുരിൽ മത്സരിക്കുമെന്നാണ്​ റിപ്പോർട്ട്​. നേരത്തെ സമാജ് വാദി പാര്‍ട്ടിയിലായിരുന്ന ജയപ്രദ 2004ലും 2009ലും വിജയിച്ച മണ്ഡലമാണ്​ രാംപുർ. സമാജ്​വാദി പാര്‍ട്ടി നേതാവ് അസംഖാനാണ്​ ജയപ്രദയുടെ എതിര്‍സ്ഥാനാര്‍ഥി.

തെലുങ്കുദേശം പാര്‍ട്ടിയിലൂടെയാണ് ജയപ്രദ രാഷ്ട്രീയത്തില്‍ പ്രവേശിച്ചത്. ആന്ധ്രാപ്രദേശില്‍നിന്ന് രാജ്യസഭാംഗമായി തെരഞ്ഞെടുക്കപ്പെട്ടിരുന്നു. പിന്നീട്​ ഇവർ സമാജ്​വാദി പാര്‍ട്ടിയില്‍ ചേരുകയും രണ്ടുതവണ രാംപുരിൽ നിന്ന്​ ലോക്‌സഭയിലേക്ക്​ മത്സരിച്ച്​ വിജയിക്കുകയും ചെയ്​തു. ഇതിനിടെ പാര്‍ട്ടിയിലെ മുതിര്‍ന്ന നേതാവായ അസംഖാന്‍ ത​​​െൻറ നഗ്നചിത്രങ്ങള്‍ പ്രചരിപ്പിച്ചെന്ന നടിയുടെ ആരോപണം വിവാദത്തിന്​ വഴിവെക്കുകയും എസ്​.പിയിൽ നിന്ന് പുറത്താക്കുകയുമായിരുന്നു.

ശേഷം അമര്‍സിങിനൊപ്പം ആര്‍.എല്‍.ഡിയില്‍ ചേർന്ന്​ 2014-ലെ ലോക്‌സഭ തെരഞ്ഞെടുപ്പില്‍ ബിജ്‌നോറില്‍ മത്സരിച്ചെങ്കിലും പരാജയപ്പെട്ടു. ഇത്തവണ ബി.ജെ.പിയുടെ സിറ്റിങ് സീറ്റായ രാംപുരില്‍ മത്സരിച്ച്​ വിജയമുറപ്പിക്കാനാണ്​ ജയപ്രദയുടെ ശ്രമം.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:azam khanRampurJaya PradaBJPBJPLok Sabha Electon 2019
News Summary - Jaya Prada joins BJP, may contest from Rampur against SP's Azam Khan- India news
Next Story