ക​ശ്​​മീ​ർ ഏ​റ്റു​മു​ട്ട​ൽ:  ജ​വാ​നടക്കം  അഞ്ച്​ മരണം

ശ്രീ​ന​ഗ​ർ: ജ​മ്മു ക​ശ്​​മീ​രി​ലെ കു​ൽ​ഗാം ജി​ല്ല​യി​ൽ തീ​വ്ര​വാ​ദി​ക​ളും സു​ര​ക്ഷാ​സേ​ന​യും ത​മ്മി​ലു​ണ്ടാ​യ ഏ​റ്റു​മു​ട്ട​ലി​ൽ ജ​വാ​ൻ കൊ​ല്ല​പ്പെ​ട്ടു. പ്ര​ദേ​ശ​വാ​സി​ക​ളും സു​ര​ക്ഷാ​സേ​ന​യു​മാ​യു​ണ്ടാ​യ സം​ഘ​ർ​ഷ​ത്തി​ൽ​ ര​ണ്ട്​ കു​ട്ടി​ക​ള​ട​ക്കം നാ​ല്​​ സി​വി​ലി​യ​ന്മാ​രും  കൊ​ല്ല​പ്പെ​ട്ടു. ര​ണ്ട്​ ജ​വാ​ന്മാ​ർ​ക്ക്​ പ​രി​ക്കു​ണ്ട്. ആ​ന്ധ്ര​പ്ര​ദേ​ശ്​ സ്വ​ദേ​ശി സാ​പ്പ​ർ സാ​ദ ഗു​ണ​ക​ര റാ​വു (24)ആ​ണ്​  കൊ​ല്ല​പ്പെ​ട്ട​ത്. 

ബു​ധ​നാ​ഴ്​​ച പു​ല​ർ​ച്ചെ​യാ​ണ്​ സം​ഭ​വം. പ്ര​ദേ​ശ​വാ​സി​ക​ൾ സം​ഘം​ചേ​ർ​ന്ന്​ സു​ര​ക്ഷാ​സേ​ന​ക്ക്​ നേ​രെ ക​ല്ലേ​റു ന​ട​ത്തി​യ​താ​ണ്​ ബ​ല​പ്ര​യോ​ഗ​ത്തി​ലേ​ക്ക്​ ന​യി​ച്ച​തെ​ന്ന്​ ഒൗ​ദ്യോ​ഗി​ക കേ​​ന്ദ്ര​ങ്ങ​ൾ അ​റി​യി​ച്ചു. 24 സി​വി​ലി​യ​ന്മാ​ർ​ക്ക്​ പ​രി​ക്കേ​റ്റു. കു​ൽ​ഗാം ജി​ല്ല​യി​ൽ ഖു​ദ്​​വാ​നി പ്ര​ദേ​ശ​ത്ത്​ തീ​വ്ര​വാ​ദി​ക​ൾ​ക്കാ​യി സു​ര​ക്ഷാ​സേ​ന തി​ര​ച്ചി​ൽ ന​ട​ത്തു​ന്ന​തി​നി​ട​യി​ലാ​ണ്​ ഏ​റ്റു​മു​ട്ട​ലും സം​ഘ​ർ​ഷ​വും ഉ​ണ്ടാ​യ​ത്. മൂ​ന്ന്​ തീ​വ്ര​വാ​ദി​ക​ൾ ര​ക്ഷ​പ്പെ​ട്ടു. 
സ​ർ​ജി​ൽ അ​ഹ​മ്മ​ദ്​ (25), ഫൈ​സ​ൽ ഇ​ലാ​ഹി (14), ബി​ലാ​ൽ അ​ഹ​മ്മ​ദ്​ (16) എ​ന്നി​വ​രാ​ണ്​ കൊ​ല്ല​പ്പെ​ട്ട സി​വി​ലി​യ​ന്മാ​ർ. ഒ​രാ​ളു​ടെ പേ​ര്​ ല​ഭ്യ​മാ​യി​ട്ടി​ല്ല. വി​ഘ​ട​ന​വാ​ദി സം​ഘ​ട​ന​ക​ളു​ടെ വേ​ദി​യാ​യ ‘സം​യു​ക്​​ത ചെ​റു​ത്തു​നി​ൽ​പു നേ​തൃ​ത്വം’ (ജെ.​ആ​ർ.​എ​ൽ) വ്യാ​ഴാ​ഴ്​​ച പൊ​തു പ​ണി​മു​ട​ക്കി​ന്​  ആ​ഹ്വാ​നം ചെ​യ്​​തു.