Begin typing your search above and press return to search.
proflie-avatar
Login
exit_to_app
exit_to_app
Homechevron_rightNewschevron_rightIndiachevron_rightചന്ദ്രശേഖർ ആസാദിനെ...

ചന്ദ്രശേഖർ ആസാദിനെ കൊല്ലിച്ചത്​ നെഹ്​റുവെന്ന്​ ബി.ജെ.പി നേതാവ്​; മാനസികനില തകരാറിലായോ എന്ന്​​ കോൺഗ്രസ്

text_fields
bookmark_border
Jawaharlal Nehru ‘conspired’ to get Chandra
cancel

സ്വാതന്ത്ര്യസമര സേനാനി ചന്ദ്രശേഖർ ആസാദിനെ ഗൂഢാലോചന നടത്തി കൊല്ലിച്ചത്​ മുൻ പ്രധാനമന്ത്രി ജവഹർലാൽ നെഹ്‌റുവാണെന്ന്​ ബി.ജെ.പി നേതാവ്​. രാജസ്ഥാൻ ബിജെപി എം‌എൽ‌എയും പാർട്ടിയുടെ സംസ്ഥാന ജനറൽ സെക്രട്ടറിയുമായ മദൻ ദിലാവറാണ്​ പുതിയ വാദവുമായി രംഗത്തുവന്നത്​. എം‌എൽ‌എയുടെ മാനസികനില തകരാറിലാണെന്ന്​ കോൺഗ്രസ് തിരിച്ചടിച്ച്​.


'സ്വതന്ത്ര്യ സമരത്തിനിടെ ചന്ദ്രശേഖർ ആസാദ് പണം ആവശ്യപ്പെട്ട്​ ജവഹർലാൽ നെഹ്‌റുവിന്‍റെ അടുക്കലേക്ക്​ പോയിരുന്നു. 1,200 രൂപ അദ്ദേഹത്തിന്​ ആവശ്യമായിരുന്നു. പണം നൽകുന്നതിനുള്ള ക്രമീകരണങ്ങൾ ചെയ്യാമെന്ന് ഉറപ്പ് നൽകിയ അദ്ദേഹം ഒരു പാർക്കിൽ കാത്തിരിക്കാൻ ആസാദിനോട് ആവശ്യപ്പെട്ടു. അതിനുശേഷം തീവ്രവാദി ചന്ദ്രശേഖർ ആസാദ് ഒരു പാർക്കിൽ ഇരിക്കുകയാണെന്ന് അദ്ദേഹം ബ്രിട്ടീഷ് പോലീസിനെ അറിയിക്കുകയായിരുന്നു' -നിയമസഭാ ഉപതിരഞ്ഞെടുപ്പ് ഉടൻ നടക്കുന്ന രാജ്‌സമന്ദ് ജില്ലയിൽ ഞായറാഴ്ച ദിലാവർ മാധ്യമപ്രവർത്തകരോട് പറഞ്ഞു. 'ബ്രിട്ടീഷ് പോലീസ് എത്തി ആസാദിന് നേരെ വെടിയുതിർക്കുകയായിരുന്നു. ഇവരിൽ ചിലരെ കൊലപ്പെടുത്തിയ ആസാദ്​ അവസാനം പൊലീസ്​ തന്നെ വളഞ്ഞെന്ന്​ മനസിലായപ്പോൾ സ്വയം വെടിവച്ച്​ മരിച്ചു'- ദിലാവർ പറഞ്ഞു.

മദൻ ദിലാവർ

ദിലവാറിന്‍റെ പ്രസ്താവനയെ കോൺഗ്രസ് ശക്തമായി വിമർശിച്ചു. 'ദിലവാറിന്‍റെ ചരിത്രത്തെക്കുറിച്ചുള്ള അറിവ് ദുർബലവും വസ്തുതകൾക്ക് നിരക്കാത്തതുമാണ്. പ്രായം കൂടുന്നതിനനുസരിച്ച് അദ്ദേഹത്തിന്‍റെ മാനസിക സന്തുലിതാവസ്ഥ നഷ്ടപ്പെട്ടു. വാർത്തകളിൽ ഇടം നേടുന്നതിനായി കാലാകാലങ്ങളിൽ ഇത്തരം അസംബന്ധങ്ങൾ അദ്ദേഹം പറയുകയാണ്​' -രാജസ്ഥാൻ പ്രദേശ് കോൺഗ്രസ് കമ്മിറ്റി സെക്രട്ടറി പുഷ്പേന്ദ്ര ഭരദ്വാജ് പറഞ്ഞു.

Show Full Article
Girl in a jacket

Don't miss the exclusive news, Stay updated

Subscribe to our Newsletter

By subscribing you agree to our Terms & Conditions.

Thank You!

Your subscription means a lot to us

Still haven't registered? Click here to Register

TAGS:Jawaharlal NehruBJP leaderChandra shekhar azad
Next Story