Begin typing your search above and press return to search.
exit_to_app
exit_to_app
Homechevron_rightNewschevron_rightIndiachevron_rightജമ്മു ടണൽ ദുരന്തം:...

ജമ്മു ടണൽ ദുരന്തം: മരണം പത്തായി; രക്ഷാപ്രവർത്തനം തുടരുന്നു

text_fields
bookmark_border
ജമ്മു ടണൽ ദുരന്തം: മരണം പത്തായി; രക്ഷാപ്രവർത്തനം തുടരുന്നു
cancel
Listen to this Article

ബനിഹാൽ/ജമ്മു: ശ്രീനഗർ-ജമ്മു ദേശീയപാതയിൽ നിർമാണത്തിലുള്ള തുരങ്കം ഇടിഞ്ഞതിനെ തുടർന്ന് മരിച്ചവരുടെ എണ്ണം പത്തായി. 13 പേരാണ് തുരങ്കത്തിൽ അകപ്പെട്ടത്. ബാക്കിയുള്ളവർക്കായി രക്ഷാപ്രവർത്തകർ തിരച്ചിൽ തുടരുകയാണ്. വെള്ളിയാഴ്ച വീണ്ടും മണ്ണിടിഞ്ഞതിനെ തുടർന്ന് നിർത്തിവെച്ച തിരച്ചിൽ ശനിയാഴ്ച രാവിലെ പുനരാരംഭിച്ചപ്പോഴാണ് കൂടുതൽ മൃതദേഹങ്ങൾ കണ്ടെത്തിയത്.

ശ്രീനഗർ-ജമ്മു ദേശീയപാതയിലെ ഖൂനി നല്ലക്കടുത്തുള്ള റമ്പാനിലാണ് ദുരന്തമുണ്ടായത്. നിർമാണപ്രവർത്തനങ്ങൾക്കിടെ വ്യാഴാഴ്ച രാത്രിയാണ് മണ്ണിടിച്ചിലുണ്ടായത്. 13​ പേരാണ് അവശിഷ്ടങ്ങളിൽ കുടുങ്ങിയത്. ഒരാളുടെ മൃതദേഹം വെള്ളിയാഴ്ച കണ്ടെടുത്തിരുന്നു.

ടണലിന്റെ നീളം മൂന്നു മുതൽ നാലുവരെ മീറ്റർ മാത്രമാണെങ്കിലും പ്രവേശന കവാടത്തിൽ കൂറ്റൻ പാറകളും മണ്ണും അടിഞ്ഞതിനാലും മണ്ണിടിച്ചിൽ ഭീഷണിയുള്ളതിനാലും രക്ഷാ​പ്രവർത്തനം ദുഷ്കകരമാണ്.

വെള്ളിയാഴ്ച വൈകീട്ട് വീണ്ടും മണ്ണിടിച്ചിലുണ്ടായപ്പോൾ 15 രക്ഷാപ്രവർത്തകർ ഭാഗ്യത്തിനാണ് രക്ഷപ്പെട്ടത്. ജമ്മു-കശ്മീർ, പശ്ചിമ ബംഗാൾ, അസം, ​നേപ്പാൾ തുടങ്ങിയ സ്ഥലങ്ങളിൽനിന്നുള്ള തൊഴിലാളികളാണ് ദുരന്തത്തിനിരയായത്.

Show Full Article
TAGS:tunnel accident 
News Summary - Jammu tunnel accident death toll
Next Story