കശ്​മീരിൽ വാഹനാപകടങ്ങൾ; 10 മരണം

ശ്രീനഗർ: ജമ്മു-കശ്​മീരിൽ മൂന്നിടങ്ങളിലായി ഉണ്ടായ വാഹനാപകടങ്ങളിൽ രണ്ട്​ സ്​ത്രീകൾ ഉൾപ്പെടെ 10 പേർ മരിച്ചു. 34 പേർക്ക്​ പരിക്കുണ്ട്​.

ഉധംപൂർ, കിഷ്​ത്വർ, രാംബാൻ ജില്ലകളിലാണ്​ അപകടമുണ്ടായത്​. ഉധംപൂർ ജീല്ലയിലെ ചന്ദേഹ്​ ഗ്രാമത്തിൽ കശ്മീരിലേക്ക്​ പോകുകയായിരുന്ന ബസ്​ ചുരംറോഡിൽനിന്ന്​ കൊക്കയിലേക്ക്​ മറിഞ്ഞാണ്​ ആറു​ പേർ മരിച്ചത്​. അഞ്ചു ​േപർ സംഭവസ്​ഥലത്തും ഒരാൾ ആശുപത്രിയിലുമാണ്​ മരിച്ചത്​.

കിഷ്​ത്വർ ജില്ലയിലെ ദാദ്​പേട്ട്​-മുഗൾ മൈതാനിൽ ശനിയാഴ്​ച രാവിലെ 9.30ഒാടെ കാർ കൊക്കയിലേക്ക്​ മറിഞ്ഞാണ്​ മൂന്നു പേർ മരിച്ചത്​. സംഭവത്തിൽ മൂന്നു​ പേർക്ക്​ പരിക്കേറ്റു.
രാംബാനിലെ ജമ്മു-ശ്രീനഗർ ദേശീയ പാതയിൽ രണ്ട്​ ട്രക്ക​ുകൾ കൂട്ടിയിടിച്ച്​ ഡ്രൈവറായ ഗുരു​ദേവ്​ സിങ്​ മരിച്ചു.