കശ്മീർ പഞ്ചായത്ത് തെരഞ്ഞെടുപ്പ്: ആറാംഘട്ട വോട്ടെടുപ്പ് ആരംഭിച്ചു

ജമ്മു: ജമ്മു കശ്മീർ പഞ്ചായത്ത് തെരഞ്ഞെടുപ്പിന്‍റെ ആറാംഘട്ട വോട്ടെടുപ്പ് ആരംഭിച്ചു. കശ്മീർ ഡിവിഷനിലെ 410ഉം ജമ്മു ഡിവിഷനിലെ 2764ഉം ഉൾപ്പെടെ 3174 പോളിങ് സ്റ്റേഷനുകളിലാണ് വോട്ടെടുപ്പ് പുരോഗമിക്കുന്നത്. എട്ട് മണിക്ക് ആരംഭിച്ച വോട്ടെടുപ്പ് ഉച്ചക്ക് രണ്ടു മണിക്ക് അവസാനിക്കും.

കശ്മീർ ഡിവിഷനിലെ 410ഉം ജമ്മു ഡിവിഷനിലെ 361ഉം ഉൾപ്പെടെ 771 പോളിങ് സ്റ്റേഷനുകളിൽ സംഘർഷ സാധ്യതയുണ്ടെന്ന് സംസ്ഥാന മുഖ്യതെരഞ്ഞെടുപ്പ് ഒാഫിസർ ഷലീൻ കബ്ര പറഞ്ഞു.

നവംബർ 29ന് നടന്ന അഞ്ചാംഘട്ട തെരഞ്ഞെടുപ്പിൽ 71.1 ശതമാനം പോളിങ് രേഖപ്പെടുത്തിയിരുന്നു.