അഫ്​സ്പ പുനഃപരിശോധിക്കാനോ റദ്ദാക്കാനോ ജമ്മു-കശ്മീരിൽ സമിതി വേണ്ട -ഗവർണർ

ശ്രീനഗർ: പ്രത്യേക സേനാധികാര നിയമം (അഫ്​സ്പ) പുനഃപരിശോധിക്കാനോ റദ്ദാക്കാനോ ജമ്മു-കശ്മീരിൽ സമിതി രൂപവത്​കരിക്കേണ്ടതില്ലെന്ന്​ ലഫ്​. ഗവർണർ മനോജ്​ സിൻഹ. നാഗാലൻഡിൽ ഇതിനായി സമിതി രൂപവത്​കരിക്കുന്ന സാഹചര്യത്തിലാണ്​ സിൻഹയുടെ പ്രതികരണം.

Also Read:നാഗാലാൻഡിൽ 'അഫ്സ്പ' പിൻവലിക്കുന്നത് പരിശോധിക്കാൻ പ്രത്യേക സമിതി

ഇതേക്കുറിച്ച് ആശങ്കപ്പെടേണ്ട കാര്യമില്ല. ഞാൻ അത് പരിശോധിച്ചുവരുകയാണ്. എനിക്ക് അങ്ങനെയൊരു ആവശ്യമൊന്നും തോന്നുന്നില്ലെന്നും സിൻഹ വാർത്തസമ്മേളനത്തിൽ പറഞ്ഞു.

Also Read:'അഫ്സ്പ' പിൻവലിക്കാനുള്ള സമയം അതിക്രമിച്ചെന്ന് തെളിയിക്കുന്നതാണ് നാഗാലാൻഡ് കൂട്ടക്കൊല -ഇറോം ശർമിള

ജമ്മു-കശ്മീരിലെ ജനസംഖ്യാപരമായ മാറ്റത്തെക്കുറിച്ചുള്ള ചില രാഷ്ട്രീയക്കാരുടെ പ്രസ്താവനകളോട് പ്രതികരിക്കാനില്ല. ആശങ്കകൾ പരിഹരിക്കാൻ, പ്രാദേശിക യുവാക്കളുടെ വലിയൊരു വിഭാഗത്തിന്​ ജലവൈദ്യുത, ​​ടണൽ, റോഡ് പദ്ധതികളിൽ തൊഴിൽ നൽകിയിട്ടുണ്ട്​. ജനങ്ങളെ ഇളക്കിവിടാനുള്ള ശ്രമമാണിതെന്നും അദ്ദേഹം പറഞ്ഞു.