തീവ്രവാദികൾ തട്ടികൊണ്ടുപോയ സിവിലിയ​െൻറ മൃതദേഹം കണ്ടെത്തി

ശ്രീനഗർ: ജമ്മുകശ്​മീരിലെ പുൽവാമയിൽ തീവ്രവാദികൾ തട്ടികൊണ്ടുപോയ സിവിലിയ​​​െൻറ മൃതദേഹം കണ്ടെത്തി. ഷോപ്പിയാനിലെ സഫനഗ്രി ഗ്രാമത്തിൽ നിന്നുള്ള നദീം മൻസൂറാണ്​ കൊല്ലപ്പെട്ടത്​.
വ്യാഴാഴ്​ചയാണ്​ നദീമിനെ തീവ്രവാദികൾ തട്ടികൊണ്ടുപോയത്​. വെള്ളിയാഴ്​ച പുലർച്ചെ പുൽവാമ ജില്ലയിലെ കിലോര ഏരിയയിൽ നിന്നാണ്​​ പൊലീസ്​ ഇയാളുടെ മൃതദേഹം കണ്ടെത്തിയത്​.

വ്യാഴാഴ്​ച നുഴഞ്ഞുകയറിയ തീവ്രവാദികൾ തട്ടികൊണ്ടുപോയി തീവ്രവാദികൾ വെടിവെച്ചു കൊലപ്പെടുത്തിയ തദ്ദേശവാസിയുടെ മൃതദേഹം കണ്ടെത്തിയെന്നും തീവ്രവാദികൾക്കായുള്ള തെരച്ചിൽ ഉൗർജിതപ്പെടുത്തിയെന്നും പൊലീസ്​ അറിയിച്ചു.